Langileria da krisiaren ondorioak ordaintzen ari dena
Zehazki, 1.189.700 pertsona egon dira lanean, 2008ko laugarren hiruhilekoan baino 58.700 gutxiago. Hau da, urte beteko epealdian zegoen enpleguaren %4,7a suntsitu da.
155.300 pertsona egon dira langabezian, aurreko ekitaldiko epe berdinean baino 41.600 gehiago. Datu honek %36,6ko igoera erakusten du langabe kopuruan, azaroko 27-EBeko %27,8arekin alderatuz. Hau da, mundu guztian eragiten ari den ekonomi egoera batean, Hego Euskal Herrian enplegu gehiago deuseztatzen ari da, krisialdia aitzakiatzat hartuz, eta enpleguaz desegitea dohain baimentzen duen behin-behinekotasun altuan oinarrituz.
Izan ere, galdutako enpleguaren parte handi batek behin-behinekoa izaten jarraitzen du, aldi-baterako kontratudun soldatako langileria 36.300 pertsonatan murriztu baita ekitaldian zehar Hegoalden.
Langabezi tasa %11,5ekoa izan da, duela urte bete baino 3,2 puntu altuagoa. EB-27ko langabezi tasa %9,5koa izan da azaroan, Hego Euskal Herrikoa baino 2 puntu baxuagoa, eta honek, gure langabezi tasa nazioarte mailakoa baino altuagoa dela erakusten du.