Lezkairuko zentroan ez da D eredurik izango Nafarroako Gobernuak nahi ez duelako

Zenbait komunikabide Hezkuntza Departamentuarekin batera egiten ari diren desinformazio eta nahaste kanpaina nabarmenaren aurrean, ELA sindikatuak gezurtatu nahi du Paderborn-Victor Pradera ikastetxeko D ereduko lerroaren inguruan esan dela, hots, ezin izan dela ireki eskaera faltagatik.

Sindikatuaren arabera, Mutiloako Irulegi ikastetxean matrikulatutako ikasleetatik 10 familia Lezkairukoak dira. Lezkairutik hurbilen dagoen ikastetxe horretan, 3 urtekoen 2 lerro bete dira, 25 ikasle bakoitzean, Haur Hezkuntzako ratioak markatzen duen muga. Hori dela eta, Victor Praderan matrikula egin dutenetatik, urrutiagoko ikastetxeetara bideratu dituzte, hala nola Hegoalde Ikastolara, Milagrosa auzoan.

Hezkuntza Departamentuak berriro erakutsi du euskarazko kalitatezko hezkuntza publikoa babesteko asmorik ez duela. Ez du behar bezala sustatu eta iragarri D eredua Lezkairuko eskolan, ez du ahaleginik egin Irulegin beste lerro bat irekitzeko, ikasleak baldintza hobeagoetan artatu ahal izateko, eta duela urte batzuetatik salatzen ari garen gehiegizko ratioak estutzen jarraitzen du. Gainera, familiak etxetik askoz urrunago dauden ikastetxeetara bidaltzen ditu, langile gehiagorengan ez inbertitzeko, eskaintzen den hezkuntza-kalitatearen kaltetan.

Ratio linealen jaitsiera eta kalitatezko hezkuntza lortzeko borrokan jarraituko dugu. D ereduaren aldeko apustua egiten jarraituko dugu, Nafarroako bi hizkuntza ofizialetan ikasle elebidunak bermatzen dituen eredu bakarra.