Maiatzaren 31rako greba deitu dute zerbitzu publikoetan ELA, LAB, STEE-EILAS eta ESK sindikatuek
Sindikatuon esanetan, amaiezina da Estatuko zein Hego Euskal Herriko instituzioetatik hartu dituzten neurrien zerrenda langileen lan baldintzen kalterako. Neurri berean erabiltzaileen, jendartearen gehiengoaren, oinarrizko ongizatea desegiteko bidean jarriz.
Greba egun honen prestaketa bidean lan-zentroetan batzarrak, delegatuen elkarretaratzeak, neurriei aurre egiteko moduak eta era ezberdinetako protestak burutzeko proposamen zehatzak luzatuko dituzte ondorengo egunotan.