EAEko osasun garraioa
Manifestazioa patronalaren proposamen eskasen aurrean
Negoziazio mahaiaren azken bileran, ELAk, UGTk eta CCOOk lau zutabe nagusi dituen testu bateratua proposatu zuten. Besteak beste, honako proposamenekin:
• 2022-2028ko indarraldia
• Ez aplikatzeko klausula
• Erosteko ahalmena berreskuratzea
• Osakidetzaren jardunaldiarekin parekatzea
• Lizentziak
Oraingoz, soldatari eta lanaldi murrizketari dagokienez, enpresa eskaintza ez da nahikoa, eta, beraz, aurrera jarraitzen dute otsailaren 19an hasi zen greba mugagabearekin.
Egoera horren erantzukizuna enpresena zein Osasun Sailarena da, eta, gaur egun, plantillak greban daudela, oraindik azken horrek ez die sindikatuei harrera egin sektorearen aldarrikapenak entzuteko. Hori guztia gehiegikeriazko gutxieneko zerbitzuekin, ia % 100ekoa, sektoreko langileen grebarako eskubidea urratzen dutenak.
Negoziazio mahaiaren hurrengo bilera martxoaren 26an izango da.