Martxoaren 18an, Gasteizen, eta martxoaren 21ean, gainerako lurraldeetan, mobilizazioak Arrazakeriaren eta Xenofobiaren aurkako Nazioarteko Egunaren harira
Duela urtebete, alarma- eta larrialdi-egoeran, tokiko zein estatuko gobernuak saiatzen ziren esaten inork ez zuela atzean geratu behar bizitzen ari ziren salbuespen-egoeraren aurrean. Pandemiak erakutsi du ez zela hala izan eta ez dela hala: pertsona guztiek ezin dute etxebizitza edo enplegu bat eskuratu, eta ezin dute estatus juridiko-administratibo erregularizatu beren bizitza askatasun osoz eta baldintza berdinetan garatu ahal izateko.
Hala, lan-arloan, argi dago legez kontrakoa izateak edo administrazio-egoera irregularrean egoteak, bai eta paperak dituzten eta paperik ez duten pertsonen arteko lan-merkatuak ere, lan-baldintza okerragoetara eta lan-esplotazio handiagora kondenatzen dituela azken horiek. Egoera hori, batez ere, emakume migratu eta arrazizatuen kasuan gertatzen da, zainketen sektorean eta, zehazki, etxeko eta zaintzako lanean ordezkatutakoen aldean. Lan prekarizatu eta feminizatu guztiak ahaztu gabe, COVID19 pandemiaren lehen uneetan funtsezkotzat jo baitira.
ELAk bat egin du Euskal Herriko mugimendu antiarrazistaren errebindikazio eta borrokekin, eta Estatu espainiarreko Atzerritarren Legea ezabatzea aldarrikatu du. "Bertakoei ere mesede egingo lieke, atzerritarrak esplotatu ezin badituzte, gure lan-baldintzak ere hobetuko dituztelako".
Mobilizazioak
*Martxoaren 18an:
-Gasteiz: 18: 00etan, Ahate iturri enparantzan.
*Martxoaren 21an:
-Bilbo: 12: 00etan, Mariaren Bihotza plazan.
-Iruñea: 12: 00etan, Baluarte plazan eta autobus geltokian.
-Donostia: 11:30, Trintxerpe Merkatua/13:00, Boulevardeko kioskoa.