Martxoa 21, Arrazakeria eta Xenofobiaren aurkako eguna

2012/03/21
Atzerritarrentzako legeen aldaketak konstante bat bihurtu dira “lehen mundu” delako estatuetan. Lege hauekin eraso egiten zaie milioika pertsonaren askatasun eta berdintasun eskubide unibertsalei, migrante direlako bakarrik. Izan ere, lege horien xedea jende hau bigarren mailako herritar gisa sailkatzea da, eta horrenbestez, gizartean bazterketa egoerara eramatea.

Honelako legeen oinarria arrazismo instituzional bat da, harresiak eta oztopoak eraiki nahi dituena, eta gizartean indiferentzia sorrarazten duena, beldurretik, ezjakintasunetik eta elkar ezin ulertzetik abiatuta.

Errealitate honi ezin diogu gehiago ezikusiarena egin; edozein adierazpen arrazista arbuiatu behar dugu eta arrazismo instituzionalaren politikak salatu. Horregatik, gaur, martxoak 21, arrazismoa eta xenofobia salatzeko eguna denez, bestelako politikak exijitzen ditugu, gizarte honetan guztiontzat iritsi ditugun eskubideak eta balioak benetan gauza daitezen.

Manifestazioak -

Bilbon, 2012ko martxoaren 23an, ostiralea

19:00. Arraiaga Plaza

Iruñan. 2012ko martxoaren 24an, larunbata

13:00. Gasteluko Plazan

Donostian, 2012ko martxoaren 25ean, igandea

11:30. Trintxerpeko Azokan