Merkataritzako grebak Beherapeneen lehen eguna baldintzatu du

Goizean goizetik, ELA eta LAB sindikatuetako ehunka militante euskal hiriburuetako merkataritza-gune nagusietan barrena dabiltza greba-egun batean. Grebarekin, gizarteari eta erakunde publikoei merkataritzako langileek bizi duten alarma gorriaren egoeraren berri eman nahi diete. Alarma gorria, sektorean erreferente diren enpresek (Inditex, H & M, El Corte Ingles edo Douglas, besteak beste) enplegua suntsitzeko eta lan-baldintzak are gehiago prekarizatzeko hartutako erabakiaren ondorioz. "Ezin dugu onartu, on line salmenta areagotzearen aitzakian, enpresa horiek digitalizazio-prozesuak bultzatzea, herrialde honetako langile-klasearen kaltetan gutxi batzuk aberasten laguntzeko eta saltoki txikietako enplegua suntsitzeko".