Muñoz: “Ekintza sindikalik eta sozialik gabe ez da ezer aldatuko”

2012/09/24
Muñoz: “Ekintza sindikalik eta sozialik gabe ez da ezer aldatuko”
ELAko idazkari nagusi Adolfo Muñozek murrizketen aurrean “alternatiba bakarra mobilizazioa dela” eta “beldurra kolektiboki gainditzen dela” azpimarratu du beste sindikatu eta eragile sozialetako ordezkariekin gaur izandako agerraldian.

Bere esanetan asko dago jokoan eta “eraso bortitzei aurre egiteko defentsa antolatu behar da”. “Inoiz ez bezala, mobilizazioa behar da. Greba orokor batek horretarako balio du”.

Muñozek salatu du eskuma ekonomikoa, politika alde duela, esparru sozialean eta laboralean triskantza bat egiten ari dela eta “indibidualismoan oinarritutako gizartea eraiki nahi dutela”.

“Orain artekoa gogorra izan bada, aurrerantzean izango dena oso gogorra izango da”, gaineratu du ELAko idazkari nagusiak.