Muñoz: “Langile-klaseak duintasuna eta injustiziak amaitzea eskatzen du”
2012/09/06
Adolfo Muñoz Txiki ELAko idazkari nagusiak irailaren 26rako deituta dagoen greba orokorra “langile-klaseak pairatzen duen erasoaren tamainako” mobilizazio gisa aurkeztu du. “Larrialdi sozialeko egoeran gaude, eta langabeziak eta pobreziak hazten jarraituko dute”, esan du lanuztea deitu dutenek gaur goizean eman duten prentsaurrekoan.
Muñozek nabarmendu duenez, “langile-klaseak ukatzen zaion duintasuna galdegiten du, gizarteko desberdintasuna eta pobrezia baitira gaur egungo politiken helburuak”. Hain zuzen, gogoratu du “ezartzen ari den murrizketa sozialen agendarekin ahulenak babes eta berme publikorik gabe utziko dituztela. “Publikoa den guztia desegin nahi dute, negozioa egite aldera”.
Mozketen aurrean erantzun bakarra ikusten du ELAko idazkari nagusiak: “desobedientzia beste biderik ez dago”. “Langile-klaseak jasaten dituen erasoen aurrean alternatiba bat dago soilik, desobedientzia; alderdi politikoei honekiko jarrera azal dezatela exijitzen diegu”.