Nafarroako “Moderna Plana”k ez du langabeziari aurre egiteko balio

ELAren iritziz, pentsaezina da “Nafarroaren Garapen Ekonomikorako Eredu berri bati” buruz hitz egiten aritzea, eta aberastasunaren banaketa, enplegu politikak, behin-behinekotasunaren aurkako borroka, gizarte-gastu urriegia, zerga-sistemaren bidegabekeria eta doikuntza-politikak ez aipatzea. Gai horiek ez agertzeak argi erakusten du gizarte-elkarrizketa deritzoten horretan ez direla jorratzen gizarte-eredua aldatzeko funtsezkoak diren gaiak eta, aitzitik, langileei zuzenean kalte egiten dieten politikak babesten ari direla.