Nafarroako gobernuak aurten ere Lan Osasuneko Institutuaren aurrekontua murriztu du

2012/01/31
Joan den urtarrilaren 26an Lan-Segurtasun eta Osasuneko Kontseilu Nafarrak bilera egin zuen. Bertan Nafa-rroako Lan-Osasuneko Institutuaren zuzendariak 2012rako aurrekontua aurkeztu zuen: iazkoaren aldean %9,38 murriztu da.

Beraz, Nafarroako Gobernuak lan-osasun arloan hasitako mozketa bidean beste urrats bat egin du.

Halaber, bileran 2012rako ekintzarako ildo nagusiak ere aurkeztu ziren. ELAk salatu zuen Lan-Osasuneko Institutuaren baliabideak hainbeste murriztuta 2012rako helburuak, ustez handinahiak, ez direla  sinesgarri egiten.

ELAren iritziz ezin da onartu osasun gaietan egindako beste murrizketa hau, eta Nafarroako Gobernuari exijitu dio arlo honetan politika publiko berri bati ekin diezaiola, bere benetako lehentasuna langileen osasuna duelarik, eta ez bestelako interes pribatu batzuk. Gogoratu beharra dago 2011n CCOOek, UGTk eta CENek 161.722na euro jaso zutela, Lan-Arriskuen Prebentziorako Fundazio Laboralarengandik. Diru hau zuzenean erakunde horien plantillak diruz laguntzeko ari dira erabil-tzen, eta ez enpresetan prebentziorako edo lan-osasuna hobetzeko.

Osasun arloko ez dira saihestezinak. Aitzitik, Gobernu honen hautu politiko baten ondorio dira, zerga-politika justuago eta progresiboago bati uko egin diolako, eta gizarte-gastua murriztea erabaki.