Oñatiko Stadler enpresako EREa eta soldata murrizketa onargaitza da ELArentzat
ELAk erabat baztertu ditu Oñatiko Stadler S.A. enpresak iragarri dituen 65 langiletik 12 kaleratzeak eta gainerako langileen soldata % 30 murriztea. Enpresak arrazoi ekonomikoak eta produktiboak argudiatu ditu horretarako.
ELAren ustez, enpresaren erabaki hori onartezina da, iragarpenak langileen ia % 20 kalean uztea ekarriko lukeelako eta langileen lan-baldintzak prekarizatzeko trikimailua besterik ez delako.
Hori dela eta, ELAk azaldu du Stadler S.A.ko langileen lan-baldintzak defendatuko dituela eta egoera horren aurka borrokatzeko mobilizazioak egingo dituela.