Otsailaren 14an lan-istripuan hil zen kamioilari baten heriotza salatzeko elkarretaratzea egin dute sindikatuek Larrabetzun
ELA, LAB, ESK, STEILAS, EHNE eta Hiru sindikatuek elkarretaratzea egin dute Larrabetzuko Transportes Erdella enpresaren aurrean, otsailaren 14an 52 urteko kamioilari bat lan-istripuz hil zela salatzeko. Istripua Errioxako San Vicente de la Sonsierran gertatu zen, oraindik ezagutzen ez diren arrazoiengatik.
ELAk beste behin salatu du garraioaren sektoreko langileek pairatzen dituzten lan-baldintza gogorrak eta enpresek prebentzio-neurriak etengabe urratzen dituztela.
Egoeraren larritasuna ikusita, ELAk Eusko Jaurlaritzari exijitu dio berehala ezar ditzala prebentzio-legeria ez betetzeak kontrolatzeko eta horien jarraipena egiteko neurriak, eta, aldi berean, lantokietan antolatzera eta urtean 50 pertsona baino gehiagoren bizitza aurretik daraman bidegabekeriaren aurka borrokatzera deitu du.