Padre Menniren langileak elkarretaratzea egin dute hitzarmenaren alde

2022/01/19

Padre Menni Klinikaren enpresa-batzordeak, ELA, CCOO eta LAB sindikatuek osatutakoak, elkarretaratze bat deitu du zuzendaritzari eskatzeko negozia dezala enpresa-hitzarmen bat edukiekin, plantillaren lana eta profesionaltasuna aitortzeko. Halaber, negoziazioak blokeatuta jarraitzen badu mobilizazioak gogortuko dituztela aurreratu du.

Hainbat hilabetetako bileren ondoren, zuzendaritzak hitzarmen kolektiboaren negoziazioa blokeatzen jarraitzen du, eta erosteko ahalmenari eustea ere ez du bermatzen.
ELAk, CCOOk eta UGTk defendatu dute langileek hitzarmen duina merezi dutela, pandemiaren garaian dena eman dutelako, eta lan-baldintza oso justuak eta neurriz kanpoko lan-kargak dituztelako. Hori guztia arreta-berezitasun oso zorrotzak eta erabiltzaile motaren araberako profesional espezializatuak dituen zentro batean.
Sindikatu horiek diotenez, Padre Mennik tarte ekonomikoa eta onurak ditu lan-baldintzak nabarmen hobetzeko, baina nahiago du etekin gehiago izatea eta eraikin berriak egitea, langileek zerbitzu ezin hobea eskaintzeko behar dutena kontuan hartu gabe.
Padre Menni Klinikan 180 pertsonak egiten dute lan, eta 140 erabiltzaile inguru zaintzen eta artatzen dituzte hainbat arlotan: psikiatretan, psikogeriatrikoetan, kontsulta-zerbitzuan eta tutoretzapeko pisuetan. Kontuan izan behar da plaza horien % 50 baino gehiago Nafarroako Gobernuarekin hitzartuta daudela, batzuk EPAk eta beste batzuk Osasunbideak.