Petronorren kontratetara akordio kolektiboa berretsi dute langileek eta greba bertan behera geratu da

Akordio horrek kolektiboaren oinarrizko lau aldarrikapenak jasotzen ditu, eta honako hauek dira:

• Findegian azpikontratatuta lan egiten duten langile guztiak subrogatzea, kontratu irekiak deiturikoen bidez.

• Geldialdi Plusa zabaltzea horrek eragindako kolektibo guztientzat, egungo diskriminazioak saihestuz.

• Enpresa bakoitzaren erreferentziako Bizkaiko Hitzarmen Sektorialetako baldintza ekonomikoen eta izaera orotako baldintza ekonomikoen gutxieneko ezarpena.

• Laneko arriskuen prebentzioa hobetzea.

Ez da ohikoa kontratak elkar hartuta aritzea erantzun kolektiboa emateko. Horregatik, ELAk Petronorrek azpikontratatutako langile guztiak zoriondu nahi ditu. ELAk hasiera-hasieratik mobilizazioa eta greba bultzatu ditu, eta beste 12 eguneko greba deialdia beharrezkoa izan da Petronorreko zuzendaritza akordio batera ekartzeko.