Portu-terminaletako langilei elkartasuna adierazteko manifestazioa Bilboko Portuan

2014/10/24
Portu-terminaletako langilei elkartasuna adierazteko manifestazioa Bilboko Portuan
Terminales Portuarias-eko (TEPSA) langileek sei aste daramate greban zazpi kaleratze salatzeko. Gaurkorako manifestazioa deitu du ELAk elkartasuna adierazteko. Haseran oztopoak jarri ditu Portuko Agintaritzak. ELAren aburuz zuzendaritzak lan erreforma erabili nahi du kaleratzeak gauzatzeko, eta aurkeztu duen lan erregulazio expedientea iruzurra da.

TEPSAk lan zentroak ditu Bartzelona, Tarragona, Valentzia eta Zierbenan, eta azken lau urteotan 10 miloitik gora euroko irabaziak izan ditu. ELAren iritziz ez dago inolako arrazoirik lan erregulazio expediente bat aurkezteko, baina enpresak langileak izutu nahi ditu soldatak murriztu eta lan baldintzak okertzeko. Zuzentzaritzak aurkeztutako neurriak gauzatuz gero, plantilla %18 murriztuko litzateke Zierbenan.

Bide batez Portuko Agintaritzaren jokabidea ere salatzen du; izan ere, plantillaren alde kokatu beharrean, enpresaren interesen alde egin dute, zeren ezarritako gutxieneko zerbitzuak greba-eskubidea urratzeraino iritsi dira, beste portu-agintaritza batzuek egin dutena ez bezala. Honen bidez eskatzen diogu Agintaritzako buru Atutxa jaunari Zierbenako langileen legezko ordezkariak hartzeko.