Sercoineko langileen mobilizazioak iragarritako 19 kaleratzeen aurka

Sercoin Sistemas de Seguridad enpresako langileak mobilizazioak egiten ari dira enpresako 65 langileetatik 19 kaleratzearen aurka. ELAk kaleratze kolektiboaren prozedura berehala kentzeko eskatu du, horretarako arrazoirik ez dagoela iritzita, eta enpresak Covid-19k eragindako egoera koiuntural bat baliatu nahi duela kaleratzeak egiteko. Izan ere, sindikatuak salatu du zuzendaritzak hainbat hilabete daramatzala xantaiekin langileei soldata jaisteko, kaleratzeen mehatxupean, hain zuzen ere.