Iruñeko Tele-Taxiko langileek esan dute “sanferminetan ez dela taxirik egongo” zuzendaritzak adostutako hitzarmena betetzen ez badu
Langileek elkarretaratzea egin dute gaur Iruñerriko Mankomunitatearen aurrean, eta greba mugagabea deitu dute uztailaren 1etik aurrera, enpresak hitzartutako soldata igoera aplikatzeko
ELAk ordezkatutako Tele-Taxi Enplegu Zentro Bereziko langileek elkarretaratzea egin dute gaur Iruñerriko Mankomunitatearen egoitzaren aurrean (eskualdeko hiri-garraioaren eta taxiaren arduraduna da), enpresaren zuzendaritzak hitzarmen kolektiboa berritzeko eta soldatak igotzeko lortutako akordioa betetzeko: 2021erako eta 2022rako KPIaren igoera eta 2023rako KPIa gehi 0,5 puntuko igoera.
Tele-Taxiko langileek greba mugagabea deitu dute uztailaren 1etik aurrera, eta enpresak adostutakoa betetzen ez badu, Sanferminetako Taxi zerbitzua erabat baldintzatuta egongo da.