Trantsizio ekosoziala aztergai

Lehendabizi Iparraldeko Bizi mugimenduko kideek Euskal Herria Burujabe ekimena aurkeztu dute. Ekimen honen helburua Euskal Herria lurralde burujabe, jasangarri eta solidarioa bihurtzea da. Helburu hori lortze aldera dituzten egitasmoak aurkeztu dituzte.

Ondoren Antonio Aretxabala geologo nafarra mintzatu da. Aretxabalak egungo sistema ekonomikoa aztertu du, eta bere kezka adierazi du. Izan ere, egungo eredua naturako lehengaien ustiaketan oinarritzen da, eta horrek arazo larria da gure planetaren biziraupenerako. Horregatik, bidezko trantsizio ekologiko baterako beharrezkoak diren oinarriak aztertu ditu.

Azkenik ELAko Ingurumen arduradun Ainhara Plazaolak hartu du hitza. Plazaolak adierazi duenez, “gaur egun aurrean dugun erronka handienetakoa ekonomiaren trantsizio ekologiko eta soziala da. Erronka hau ez da aukera ideologiko bat soilik, errealitateak aurre egitera behartzen gaituen erronka bat da. Langileek alternatiba konkretuak beharko dituzte lantoki bakoitzean, eta gure helburua beraientzat ahalik eta egokienak eta justuenak diren irtenbideak ematea izan behar da. Ez da lan erraza, lehen esan dugun bezala erronka handia da, baina beharrezkoa”.