Bizkaiko Aldundiko garbikuntzan

UGT, LAB eta ESK sindikatuek lortutako aurreakordioak ez du garbitzaileen prekaritatearekin amaituko

2024/04/10

Optima enpresak azpikontratatutako Bizkaiko Aldundiko garbitzaileak 2022tik zeuden hitzarmenik gabe, eta hainbat mobilizazio eta greba egin dituzte diputazioko langileekin soldatak parekatzeko eta lanpostu hutsen sistema bat ezartzeko. Azken hori akordiotik kanpo geratu da, ordea, eta langileen partzialtasunari eutsiko zaio.

Izan ere, UGT, LAB eta ESK sindikatuek aurreakordio bat sinatu zuten atzo. Aurreakordio horrek gai ekonomikoarekin lotutako edukiak ditu, betetze bermerik gabe, eta ez du partzialtasuna ezabatzeko neurririk jasotze, hori izanagatik ere sektorearen prekarietatearen arrazoietako bat.
Sinatutakoari dagokionez, 2022., 2023. eta 2024. urteetarako KPIaz azpiko igoerak ezartzen dira, eta 2025., 2026., 2027., 2028. eta 2029. urteetarako, berriz, % 2,5eko finkoa, eta horri urte bakoitzeko funtzionarioen igoera gehituko zaio. Gogoratu behar da gaur egun % 36ko arrakala dagoela azpikontratatutako langileen eta bertako langileen artean, eta ondorioz, arrakala % 12,5 murriztuko da. Egia da jauzi bat egiten dela parekatzeko bidean, baina urrun dago soldata parekatzetik.

Harrigarria bada ere, langileek ez dituzte kobratuko 2022., 2023. eta 2024. urteei dagozkien atzerapenak; aitzitik, aparteko ordainsari ez-finkagarri bat adostu da 2025eko urtarrilerako, egungo soldataren gainean % 9,8 aplikatzearen ondoriozko zenbatekoan. Formula horrek ez du bermatzen arrazoi desberdinengatik 2025eko urtarrilean zerbitzua ematen ez duten langileek itundutako igoeren ondorioz kobratu behar zutena kobratzeko.
Eduki ekonomikoez gain, ELAk uste du prekarietatearen aurka borrokatzeko aukera handia galdu dela. Izan ere, langileen % 80 lanaldi partzialerako kontratatuta daude. Hori dela eta, soldata igoera horiek ez dute bermatzen prekaritatearekin amaitzea, ELAren eskaera nagusietako bat izan den lanaldiaren anplizazio sistemaren errebindikazioa alde batera utzi delako.

Aurreakordio horrek izugarri ahuldu du kolektiboa lanpostu hutsuneen sistema duin bat lortu ahal izateko, bai eta hitzarmeneko beste alderdi batzuk ere, bermearekin adostu gabe daudenak, amaiera eman baitiote kolektiboaren dinamika mobilizatzaileari. ELAk ere ez du onartuko enpresak atzerapen ekonomikoak berehala ez kobratzea. Alderdi ekonomiko hobeak ez ezik, prekarietatearen aurkako benetako hobekuntzak ekarriko dituzten baldintzak defendatzen jarraituko du.