Urkulluren gobernuak enplegua suntsitzearen aldeko apustua egin du funtzio publikoaren mahaian

2013/02/21
Urkulluren gobernuak enplegua suntsitzearen aldeko apustua egin du funtzio publikoaren mahaian
ELAren iritziz mahai orokorraren bileran ondo agerian geratu da zertarako nahi duen Urkulluren gobernuak mahai orokorra, murrizketa-politika aurrera ateratzen laguntzeko. Mahaian argi geratu da Urkulluren gobernuaren benetako borondatea ildo beretik jarraitzea dela: murrizketa-politikak, enplegu publikoa suntsitzea, lan ordutegia 1.600tik gora luzatzea, lan-baldintzak lorrintzea, eta zerbitzu publikoen kalitatea narriatzea.

 

ELAtik eskatu diogu negoziazio kolektiborako eskubidea euskal esparruan gauzatu ahal izatea. Zehazkiago esanda:

- Ez aplikatzea enplegu publikoa suntsitzea eta zerbitzu publikoen kalitatea narriatzea dakartzaten murrizketak.

- Enplegu publikoa sortzeko eskakizuna: 35 orduko lanaldiari eutsi, hezkuntzaren ratioak eta irakastorduak mantendu, zerbitzuak kanpora ez atera, ezta pribatizatu ere, egonkortasun akordioak bete, eta enpresa edo sozietate publikoetan edo azpikontratetan enplegua ez suntsitu.

- Eroste-ahalmena eta lan-eskubideak berreskuratzea, eta euskal esparrua errespetatzea, kanpoko injerentziarik onartu gabe.

Madrildik etortzekoak diren murrizketen aurrean, autogobernua zaintzeko eta ez ditzala onartu Rajoyren murrizketak.

Hurrengo bilera datorren otsailaren 28an egingo da eta egun horretarako bere aldarrikapenei erantzunak eskatu dizkio ELAk Eusko Jaurlaritzari. Bien biartean, mobilizazioekin jarraitzeko deia egun du ELAk. Izan ere, mobilizaziorik gabe ezinezkoak dira poltitika neoliberalak errotik aldatzea.