Langabetuen % 21,6ak soilik jasotzen du kotizaziopeko langabezia saria
Enplegu Zerbitzu Publikoak gaur, uztailak 3, argitaratutako datuek adierazi dutenez, Hego Euskal Herrian 152.539 pertsona daude langabezian izena emanda. Hauetatik 88.646 emakumeak dira, hain zuzen, % 58,1. Bilakaerak erakusten du azken hilabetean 3.598 pertsona gutxiago daudela langabezian; 14.668 gutxiago azken urtean zehar.
Hala ere, langabezia maila onartezina da. 152.539 langabetu daude Hego Euskal Herrian, eta langabezia tasa % 11,4ekoa da, 28-EBekoa baino 4,4 puntu altuagoa (%7koa da). Espainiar Estatutak eta Greziak baino ez dute langabezia tasa altuagoa.
Langabezian daudenen egoera latza da. Langabetuen % 63,2ak ez du inolako langabezia saririk jasotzen (98.646 pertsona); eta kotizaziopeko langabezia saria %21,6ak baino ez du jasotzen (33.766 langabetu).
Prekarietatea gero eta larriagoa da. Enplegu berri bat edo kontratu berri bat dutenen egoera ere gero eta okerragoa da: 2018an egin diren kontratu guztien % 91,4 behin-behinekoa izan da.