Albisteak

Sozietateen Gaineko Zergaren egoera eskandalu hutsa da

2017/11/23

EAJ-PNV eta PSEk Sozietateen Gaineko Zerga murrizteko sinatutako akordioak atzerakada galanta eragingo du justizia sozialean. Hala adierazi du Mikel Noval, ELAko ikerketa arloko arduradunak. Beste behin, gobernuko partaideek patronalaren eta kapitalaren aldeko neurriak hartu dituzte, inolako eztabaida sozialik onartu gabe.

Eusko Jaurlaritzaren aurrekontuetan gero eta diru gutxiago dago zerbitzu publikoetarako

2017/11/13

ELAk Eusko Jaurlaritzaren 2018ko aurrekontuen balorazioa egin du gaur goizean Bilbon. ELAren esanetan aberastasunaren zati gero eta txikiagoa doa zerbitzu publikoetara eta gizarte prestazioetara. Aldiz, aurrekontuen ia %12a zor-publikoa ordaintzera bideratuko du. Ondorioz, aurrekontu hauekin arlo publikoak ekonomian duen presentzia mailaka gutxitzen da.

Eusko Jaurlaritzak enpresarien etekinak lehenesten ditu bere nazioartekotze merkataritza politikan

2017/11/08

Eusko Jaurlaritzak 2014. urteaz geroztik eta garapenerako politiken koherentziaren ikuspegitik sustatu duen enpresa nazioarteko politikaren balorazioa egin du Juan Hernandez Zubizarreta EHUko irakasleak. Honek gaur goizean aurkeztu du bere lana, ELA eta LAB sindikatuetako ordezkariekin batera. Mikel Noval ELAko arlo sozialeko arduradunaren hitzetan, Eusko Jaurlaritzaren “nazioartekotze politika” delako horren atzean enpresen etekinak hobetzea dago, gizarte, lan edo ingurumenari buruzko parametroak alde batera utzita.

Solik langabezia utzi duen 4tik 1ek aurkitu du lana azken urtean

2017/10/26

Biztanleria Aktiboaren Inkestak gaur argitaratutako datuek biztanleria aktiboa azken urtean 15.100 pertsonatan jaitsi dela erakusten dute, hau da, enplegua dutenak edo enplegu bila dabiltzanak gero eta gutxiago direla 2016ko hirugarren hiruhilekotik 2017ko epe berdinera.

Gizarte Segurantzaren transferentziak ez ditu langile-klasearen beharrizanak asetuko

2017/10/23

ELAren aburuz formula konkretua edozein dela ere, oraingo Eusko Jaurlaritzak atzera egin du Lakuak betidanik aldeztu izan duen posizio politikoarekiko. Erabaki den Gizarte Segurantzaren erregimen ekonomikoaren kudeaketarekin, zerbitzuak antolatu eta administratu ordez leihatila hutsa baino ez litzateke izango. Kotizazioen eta pentsioen kontrolak espainiar estatuaren esku jarraituko luke. ELAK pentsioak hobetzea, batik bat apalenak, eta haien erosteko ahalmena bermatzea ekarriko lukeen trasferentzia eta ez erdipurdikoa aldarrikatzen du.

Eusko Jaurlaritzak etxebitza alokatzeko laguntzak murriztu nahi ditu

2017/10/12

Etxebizitza alokatzeko laguntzak gogortzeko asmoa du Eusko jaurlaritzak, eta horretarako prest du dekretu berria. ELAren iritziz, beste murrizketa bat izango da, gogorra eta latza, eta pobrezia areagotuko besterik ez du egingo, kolektiborik ahulenei eragingo baitie kalterik handiena. Besteak beste, etxebizitza alokatzeko eskatzaileen erregistroan gutxienik 3 urtez egon behar da izena emanda. ELAk dekretu-proiektu berria erretira dezala eskatu dio Jaurlaritzari, eta egun indarrean dagoena mantendu dezala.

Zergatik uzten diote Rajoyri Nafarroako aurrekontua erabakitzen?

2017/10/10
Mitxel Lakuntza / Iñaki Zabaleta (ELA Nafarroa)

Foru Hobekuntzaren Lege Organikoaren arabera Nafarroaren eskumenen artean bere zerga- eta aurrekontu-politika arautu eta taxutu ahal izatea dago. Aipaturiko legeaz egin daitekeen balioespena gorabehera, eskumen hori legez babesturik dago. Hala ere, oraingo Nafarroako Gobernuak, lehenagokoak egiten zuen bezalaxe, uko egiten dio eskumen horri, eta bere egiten ditu Madrilen erabakitako mugak (defizita, zorra, gastu-araua). Madrildik ezarritako irizpideak ontzat emanez gero, aurrekontu- eta zerga-arloetan bestelako politikak egiteko tartea ezin da estuagoa izan.

Zerga-bilketa: gutxi eta baldar

2017/10/05

ELAk Sozietateen Gaineko Zergan gertatzen den iruzurra salatu du berriz ere. Sindikatuak bildutako datuei erreparatuta, Sozietateen Gaineko Zergari dagokionez, enpesen %78,1k baieztatzen du galerak dituela edota urtean 6.000 euro baino gutxiago irabazten dituela. ELAren ustez, horrek argi uzten du soldatatik eratorritakoak ez diren errentetan dagoen iruzur fiskala.

71.000 langabetuk ez du langabezia saririk jasotzen

2017/10/03

Enplegu zerbitzu publikoak argitaratu dituen datuek aditzera eman dutenez, Hego Euskal Herrian 167.341 langabetu izan dira irailean . Azken hilabetean 1.820 langabetu gutxiago izan dira, eta urteko bilakaerak adierazten duen bezala, 19.708 pertsona gutxiago daude lanik gabe.

Premiazkoa da AHTren lanen gaineko auditoria egitea

2017/09/13

ELA eta LAB sindikatuok otsailean egin genuen publiko EHUko Ekopoli, Ekonomika Ekologiko eta Etakologia Politikorako Ikerketa Taldeari, eskatutako txostena, AHTren bideragarritasunaren inguruan. Mundu akademikora gerturatu ginen AHTren inguruko eztabaida hauspotu asmoz. Txosten horren ondorioa argia izan zen: AHTren lanetako gastuek kalte izugarria ekarri digute eta aurrerantzean ere egiten jarraituko digute langileoi eta euskal herritarroi orohar, eta ez ekonomikoki bakarrik, bai sozialki eta baita ingurumenari dagokionez ere.

Eusko Jaurlaritzak, Aldundiek eta EAJ-k Rajoyrekin iritsitako akordioek doikuntza politikari eusten diote eta autogobernuaren aurkako erasoa dira

2017/07/26

Gastu-arauak esan nahi du euskal erakundeek ezin izango dutela gastua gehitu, ez eta diru-sarrera nahikoak badituzte ere. Gauza bera gertatuko litzateke ondorengo urteetan salatu du ELAk. Espero baino sarrera handiagoak izanez gero, zor publikoaren ordain aurreratura bideratu beharko lirateke; honek inbertsio soziala haztea galaraziko luke. ELAk indar politiko progresistei eskatzen die akordio hau arbuia dezatela. Politika honi oposizio politiko eta soziala egitea ezinbestekoa dela deritzo.

Aldi baterako kontratuen erdia gehienez 30 egunekoa da

2017/07/04

167.207 pertsona daude langabezian Hego Euskal Herrian eta %63,3ak ez du inolako prestaziorik jasotzen. Egoera kezkagarria da Hego Euskal Herrian, langabeziak maila altuan segitzen duen bitartean langabeen gehiengoa inolako babesik gabe baitago eta egiten diren kontratuak oso prekarioak baitira.

Mikel Noval (ELAko Gizarte Politikako arduraduna): «Neoliberalismoa lokala, planteamendu globala» aplikatzen ari da esparru guztietan

2017/07/04

Mikel Noval ELA sindikatuko Gizarte Politikako, Azterketa Bulegoko eta Ingurumeneko arduraduna elkarrizketatu du Uriola.eus atariak. Argi azaldu du Novalek, arlo sozialean eman behar diren aldaketak eman daitezen ezinbestekoa dela zergetan eta diru bilketan aldaketa bat gertatzea. Bere esanetan, ez badago dirurik, ezin da osasunean, hezkuntzan eta gizarte zerbitzuetan inbertitu, eta ezinbestekoa eta oinarrizkoa da hori. Bestelako gaiak ere izan ditu hizpide, besteak beste, Abiadura Handiko Trena. Bere hitzetan, "AHTa egiteko 10.000 milioi euro bideratzea ez da lehentasun bat".

Abiadura Handiko Trenerako dirurik ez jartzea eskatu die ELAk erakunde publikoei

2017/06/26

Mikel Noval, politika sozialeko eta ingurugiroko arduraduna izan da gaur Euskal Herriko Unibertsitateak (UPV-EHU) antolatutako Udako Ikastaroetan. Bere agerraldian, Ekopol elkarteak unibertsitate honetako ekologia politikako adituen laguntzaz osatutako txostena ekarri du gogora, Abiadura Handiko Trenak errentarritasun ekonomiko eta sozialik ekarriko ez duela azpimarratuz. Horri gehitu dio egitasmo honek ez diola batere onik egingo ingurumenari.

ELA eta LABek Euskal Herrian fracking-aren aurka abian jarritako dinamikaren lorpen eta irakaspenak aztertu dituzte gaur Bruselan

2017/06/21

ELA eta LAB sindikatuek Euskal Herrian fracking-aren aurka abian jarritako dinamikaren lorpen eta irakaspenak aztertu dituzte Bruselan. Alter Summit Alternatiben Gailurrak antolatutako ekimenean, langile mugimenduaren eta klima aldaketaren aurkako mugimenduaren aliantzak izan dituzte hizpide, azpiegitura fosilen aurka eta lan duinaren alde elkarlanean gidatutako borroka ezagutzera emateko asmoz.

Prekarietatea hedatzen doa, murrizketen eraginez langabeen egoera okertzen ari den bitartean

2017/06/02

Hego Euskal Herrian egiten diren kontratu ia guztiak aldi-baterakoak dira, herena baino gehiago lanaldi partzialekoak direlarik. Gainera, langabeziak maila jasangaitzean segitzen du eta langabeen gehienek ez dute inolako prestaziorik jasotzen. Zehazki, oraindik ere 171.009 pertsona daude langabezian izena emanda Hego Euskal Herrian 2017ko maiatzean. Horietatik 96.015 emakumeak dira eta 11.666 gazteak.

Bestelako eredu fiskal baten aldeko giza-katea

2017/06/01

Euskal Herriko Eskubide Sozialen Kartak deituta ekainaren 8an giza-katea egingo da Bilbon, ‘Jarri fiskalitatea bizitzaren zerbitzura, ez kapitalarenera’ leloan. Ekintza 11:00tan hasiko da Eusko Jaurlaritzak Bilbon duen egoitzaren aurrean, eta Confebask patronalaren egoitzaren parean geldialdia egin ostean Foru Aldundian amaituko da.

EAEko etxebizitzen alokairuak garestitzen dabiltza

2017/04/21

EAEko BPG historiako handiena izan da 2016an eta, biztanleriaren egoera historiako hoberena izatetik urrun badago ere, etxebizitzaren merkatua garestitzen ari da. Horrela, alokairuak garestitzen dabiltza hirugarren urtez jarraian eta historiako bostgarren datu altuenean daude.

Bost urtean 1.582 milioi euro galdu dira Hegoaldeko soldatetan

2017/04/10

Soldatek aberastasunean duten pisua era nabarmenean murriztu da. Azken bost urtetan langileriek guztira 1.582 milioi euro gutxiago eraman dituzte poltsikora Hego Euskal Herrian. Egoera honen aurrean, soldaten eros-ahalmena handitu beharra dagoela azpimarratu du ELAk.

Eusko Jaurlaritzaren aurrekontuek murrizketa sozialak biltzen dituzte

2017/03/06

ELAren iritziz Eusko Jaurlaritzaren 2017ko aurrekontuak ez dira batera aurrerakoiak eta "gizartearen gehiengoak pairatzen dituen murrizketak" biltzen ditu. ELAk Urkulluren gobernuak 2017rako aurkeztu berri duen aurrekontuen inguruko txostena aurkeztu du Bilbon. Bertan jasotzen denez, "diru-sarrerek guztiz baldintzatzen dute aurrekontua". Ildo beretik, aurreikusi zena baino 547 milio euro gutxiago jasoko dira.

Nafarroak 2016an 2007an baino 377 milioi euro gutxiago bildu ditu Sozietateen gaineko Zerga bidez

2017/02/21

Lehenik eta behin, azken erreforma fiskalak Nafarroako Gobernuak aurreikusitako eragina ez duela izan esan behar da, 2016an aurreikusitakoak baino 57 milioi euro gutxiago bildu baitira. Zentzu honetan, ELAk salatu zuen erreforma honek ez zuela inongo aldaketa sakonik ekarriko ez diru-bilketan ezta fiskalitatearen egituran ere, eta fiskalitatea lan-errentetan oinarritzen jarraituko zela, kapitalaren eta enpresen mesedetan.

Patronala gezurretan dabil zergarik ez ordaintzeko

2017/02/15

ELAk Confebaski leporatu dio zergarik ez ordaintzearren "beti gezurretan ibiltzea". Ildo beretik, Hego Euskal Herriko sozietateen gaineko zergaren presio fiskala Europako bataz bestekoaren azpitik dagoela gogorarazi du ELAk. Zerga honi dagokionez, Europaren parera iristeko urtean 900 milioi euro gehiago bildu beharko lirateke. ELAk nabarmendu duenez, kutxa publikoetan sartzen den diruari erreparatzen badiogu, kapital-errenten eta enpresen etekinen ekarpena %10ekoa baino ez da.

Aberastasunaren banaketa bidegabea salatu du ELAk Egoeraren Azterketaren azken alean

2016/11/21

ELAren aburuz egungo enplegua era kezkagarrian ari da prekarizatzen. Gaur egun egiten ari diren kontratuen %93,5 aldi-baterakoak dira. Bestalde, azken bost urteotan, aberastasunaren banaketak nabarmen egin du langileriaren aurka: langile klasearen errentetara bideratzen den BPGaren (Barne Produktu Gordina) zatiak beherakada nabarmena izan baitu. 2010ean aberastasunaren %49,2 bideratu bazen EAEn, 2015ean %46,2 izan zen; Nafarroan, %50,1 bideratu zen 2010ean eta 2014an, aldiz, %47,3.