Albisteak

Eusko Jaurlaritzaren legeek murrizketak iraunarazten dituzte

2019/02/15

ELAren ustez indar progresistek ez zuten Eusko Jaurlaritzari oposizioa egiteko borondaterik izan Eusko Legebiltzarrean otsailaren 14ean ospatu zen osoko bilkuran. ELAk uste du indar progresistek ez lituzketela onartu beharko politika neoliberalak eta murrizketak dakartzaten aurrekontu eta legeak. Ezkerrak gobernuak egindako proposamenen alternatibak plazaratu eta arrazoitu behar ditu, esaterako, arlo publikoan negoziazio kolektiboaren defentsa edota soldaten eros-ahalmena berreskuratzea; eta Euskal Herriko Eskubide Sozialen Kartak bultzatutako HELari babesa eman beharko lioke. EAJk, PSEk eta PPk betoa ezarri zioten pobreziaren eta gizarte-bazterkeriaren aurkako HEL honen tramiteari.

Milaka lagunek salatu dute pobreziaren aurkako herri ekimena eztabaidarik gabe atzera bota izana

2019/02/13

Otsailaren 7an EAJk, PSEk eta PPk ateak itxi zioten Legebiltzarrean Euskal Herriko Eskubide Sozialen Kartak pobreziaren eta babes sozialen inguruan garatutako herri ekimena eztabaidatzeari. Eraso demokratiko hori salatzeko Kartak gaur protesta ekintza antolatu du Bilbon; milaka izan dira ekimenarekin bat egin duten lagunek. Kartaren antolatzaileek adierazi dutenez, kalean jarraituko dute pobreziaren aurkako borrokan, eta EAJk, PSEk eta PPk eztabaida honi uko egin izana salatu dute.

Elkarrizketa Sozialaren Mahaiak ez du mamirik

2019/02/08

Urtarrilaren 15ean Eusko Jaurlaritzak EAEko Elkarrizketa Sozialeko Mahaia sortzeko Dekretua onartu zuen. Edukiak ez du berritasun handirik ekarri uztailean gobernuak ezagutzera eman zuen dekretu zirriborroarekiko. Otsailaren 11ean lehenengo bilera ospatuko du eta sindikatu nagusia ez da izango bertan.

EAJ, PSE eta PPk atzera bota dute pobrezia eta bazterketa sozialaren aurkako Herri Ekimena

2019/02/07

Euskal Herriko Karta Soziala osatzen duten sindikatu eta eragileek -ELA tarteko- gogor gaitzetsi dute EAJk, PSEk eta PPk Eusko Legebiltzarrean hartutako erabakia; izan ere, 51.000 lagunek babestu duten HELaren (Herri Ekimen Legegilea) inguruko eztabaida irekitzea ukatu dute. Dena den, Kartako kideek ohartarazi dute borroka ez dela amaitu eta mobilizazio berriak iragarri dituzte. Lehena, otsailaren 13an. Egun horretan, giza kate batek EAJ, PSE eta PPko egoitzak lotuko ditu Bilbon alderdi hauen jarrera salatzeko.

Legebiltzarrari Euskal Herriko Eskubide Sozialen Kartak aurkezturiko herri ekimen legegilearen eztabaidari bide ematea eskatzen diogu

2019/02/04

51.000 sinaduren ibilbildearen etorkizuna ostegun honetan erabakiko da. Otsailaren 7ko Lege Biltzarreko Osoko Bilkuraren bigarren puntuan, Euskal Herriko Eskubide Sozialen Kartak aurkezturiko Herri Ekimen Legegilearen (HEL) eztabaidari bide ematen zaion erabakiko da. Aste honetan bertan jakinen dugu gure ekimenaren eztabaida demokratikoa bermatzen den edo ukatua izaten den.

Eusko Legebiltzarrak pobrezia eta bazterketa sozialaren aurkako Herri Ekimena tramitera onartu behar du

2019/01/30

Euskal Herriko Eskubide Sozialen Kartak Eusko Legebiltzarrean pobreziaren eta bazterkeria sozialaren aurkako Herri Ekimen Legegile bat sarrarazi du. Legebiltzarrean 2018 otsailaren 23an erregistratu genuen, eta abenduan jaso genuen behin-betiko oniritzia. 51.000 sinadura bildu ziren. Bada, orain, otsailaren 7an bozkatuko da Legebiltzarrean. ELAren ustez ikuspuntu demokratikotik begiratuta ez litzateke onargarria izango Eskubide Sozialen Kartaren HEL tramitatzeko aukera arbuiatzea.

Eusko Jaurlaritzak murrizketak sendotzea bermatuko duen Legea onartu nahi du

2019/01/25

Eusko Jaurlaritzak iragarri duenez, urtarrilaren 29an irakurketa bakarreko legegai bat eramango dute Legebiltzarrera (prozedura hau ez da batere demokratikoa), hain zuzen, atzera bota zioten aurrekontu-proiektuko zenbait puntu garatzeko aukera emango dion lege proposamena. Lege horrek eragina izango luke Eusko Jaurlaritzako langileen soldataren igoeran, DSBEaren zenbatekoan eta itunpeko Irakaskuntzarako kontzertuen eguneratzean.

Momentu batean ere ez da egon aurrekontu sozialak izateko aukerarik

2018/12/28

"Eusko Jaurlaritzaren 2019ko aurrekontu proiektuak ez zizkion biztanleen beharrei erantzuten, ezinezkoa zen hasieratik". Hala adierazi du ELAko Azterketa Bulegoko arduradun Mikel Novalek. Prentsaurrekoan baieztatu duenez, argi zegoen hori hasieratik; izan ere, Eusko Jaurlaritzak Rajoyri agindu zion 2019ko aurrekontuaren hazkundea ez zela %2,7 baino handiagoa izango termino nominaletan (gastu araua). Hortaz, hortik abiatuta ez zegoen ezer egiterik.

EAEko langileok 2.000 milioi euro galdu ditugu azken hamarkadan

2018/12/06

Errentaren banaketa analizatzeko hainbat indize, adierazle, koefiziente etab. daude. Kasu honetan erabiliko dugun tresna lan eta kapital errentek Barne Produktu Gordinean (BPG) duten pisuaren bilakaera aztertzea izango da; horretarako, Eustatek ematen dituen estatistikak erabiliko ditugu. Informazio partziala dugun arren, kapitalaren metaketak errenten arteko desberdintasunak aregotzen dituela erakutsiko da. ELAk emandako datuen arabera, 2009tik hona soldatek pisua galdu dute. 2.000 milioi galdu dute azken hamarkadan.

Jaurlaritzaren 2019ko aurrekontuak azken urteotan bezala murriztatzaileak dira

2018/11/13

Eusko Jaurlaritzaren 2019ko aurrekontuaren proiektuak azken urteetan onartu diren aurrekontu murriztaileen bide beretik jarraitzen du. Horrela, zerbitzu publikoak etengabe hondatzen ari dira, eta gizarte-prestazioak moztu. ELAren iritziz indar eskuindarren eta PPren gustoko aurrekontua da. Era honetan, sindikatuak adierazi du indar sindikal, sozial eta politiko progresistok posizio argi eta sendoa adierazi behar dugula.

Argindarraren merkatua konpainia handien negozio oparoa bihurtu da

2018/11/05

Estatu espainiarreko argindarraren prezioa Europar Batasuneko seigarren garestiena da. Europar Batasunean prezioa 2007tik %30,9 igo zen bitartean, Estatu espainiarreko errealitatea nabarmenki okerragoa da, prezioa %55,5 areagotu zelako urte hartatik. Honen eragina honakoa izan da: fakturei aurre egin ezin izateagatik 4,6 miloi pertsona dira jada pobrezia energetikoa sufritzen ari direnak Estatuan.

Hego Euskal Herria Europan langabezia tasa altuenetarioa duen lurraldea da

2018/10/25

2018ko hirugarren hiruhilekoan 126.100 langabetu izan dira Hego Euskal Herrian, azken hiruhilekoan 9.700 pertsonatan jaitsi ondoren. Baina langabetu kopurua jaitsi izanak ez du suposatzen enplegua neurri berean sortu denik, kontrakoa baizik. Izan ere, enplegua dutenen kopurua 7.400 pertsonatan jaitsi da azken hiruhilekoan. Langabetuen kopurua jaistea biztanleria aktiboaren jaitsieragatik ere eman da (enplegua dutenek eta enplegua modu aktiboan bilatzen dutenek).

Soldata eta zerga urriekin ez dago ez pentsio publiko duinik, ezta enplegurako BGAErik ere

2018/10/12

EAEko hainbat erakundek (Eusko Jaurlaritzak eta Foru Aldundiak) adierazpen edo proposamenak egin dituzte Borondatezko Gizarte-Aurreikuspeneko Erakundeei (BGAE) buruz. ELAk salatu du ez duela jaso honen inguruko proposamen konkreturik, komunikabideetan agertu denetik haratago. Dena den, soldata eta zerga urriekin ez dago ez pentsio publikorik, ezta enplegurako BGAErik ere gaineratu du.

2.644 pertsona gehiago daude langabezian Hego Euskal Herrian

2018/09/04

Uztailarekin alderatuta, langabezia hazi da Hego Euskal Herrian, zehazki, 2.644 lagun gehiago daude lan barik. Bestetik, enplegu berri bat edo kontratu berri bat dutenen egoera ere oso larria da: 2018an egin diren kontratu guztien % 91,8a behin-behinekoa izan da, eta uztaila arte egin diren behin-behineko kontratuen % 51,2 hilabete bat baino denbora gutxiagorako egin da (obra edo zerbitzukoak, bitartekotasun kontratuak eta produkzioaren egoeragatik egindakoak kontuan hartuta). Honi gehitu behar zaio mugagabeko kontratuen % 35,9ak lanaldi murriztua duela, eta lanaldi murriztua duten kontratuen 10etik ia 7 emakumeenak direla.

Multinazionalek etekinen %40 paradisu fiskaletara transferitzen dituzte

2018/08/13

Botere korporatiboak imajinario kolektiboan ideia bat txertatu nahi du: enpresa eredu positiboak, jarraitu, babestu eta saritu beharrekoak, enpresa multinazional handiak dira. Agintari politikoak lehian dabiltza argazkia ateratzeko enpresa handi horietako buruekin (Iberdrola, Repsol, BBVA, Volkswagen, Arcelor Mittal edota Mondragon Taldea).

Langabezia gora eta langabetuen egoera okerrera

2018/08/02

Enplegu Publikorako Zerbitzuak uztaileko langabeziaren datuak argitaratu ditu. Oso datu txarrak, Hego Euskal Herrian lana egin nahi eta ezin dutenen kopuruak gora egin duelako. Modu honetan, langabezia 1.087 pertsonatan handitu da; guztira 153.626 dira langabetuak.

ELAren ustez BGAEei buruzko Rementeriaren adierazpenak arinkeria eta propaganda hutsa dira

2018/07/27

ELAren iritziz Unai Rementeria Bizkaiko diputatu nagusiak joan den ostegunez egindako adierazpenak -Bizkaian Borondatezko Gizarte-Aurreikuspeneko Erakundeak (BGAE) hedatzera deitu zuen- arinkeria eta propaganda ekitaldi bat izan dira. Benetan hitz egiteko asmoa badu, zuzenean ezagutu beharko luke eragindako eragile bakoitzak halako proposamenei buruz duen iritzia. Haatik, inork ez du jo ELArengana bere iritziaren berri izateko.

Argentina, NDF eta zorra: lehengo lepotik burua

2018/07/27

Argentina albiste izan da Nazioarteko Diru Funtsak (NDF) Macriren gobernuarekin 50.000 milioi dolarreko erreskatea hitzartu duelako. Cambiemos, enpresarioaren alderdia, pozik agertu da hiru urterako akordio honekin, zeinak doikuntza fiskala egitera derrigortzen duen eta 2020rako defizita kentzera. Baina, zer esan nahi du erreskateak? Pozteko modukoa da, edo aitzitik, langile-klasearentzat kezkagarria? Artikulu honetan galdera horiek erantzuten saiatuko gara, eta Argentinako egoera sozioekonomikoa zein den aztertuko dugu.

Enplegua prekarietatearen kontura hazi da

2018/07/26

Biztanleria Aktiboaren Inkestako datuek erakusten dutenez, langabezia 11.500 pertsonetan jaitsi da azken urtean, enplegua duten pertsona kopurua 29.600 pertsonatan hazi den bitartean. Honek suposatzen du biztanleria aktiboa ere igo egin dela. Enpleguaren hazkundea zerbitzuen alorrean emandako hazkundeagatik izan da batik bat, 32.200 enplegu gehiago baitaude.

Gero eta diru gutxiago bideratzen da langabezia-prestazioetara

2018/07/23

Murrizketen politika ez da zerbait berria. Hainbat hamarkada dira lan eskubide eta eskubide sozialen etengabeko murrizketa prozesuak pairatzen gabiltzala. Euskal Autonomia Erkidegoan 2017an prestazioen ordainketa 660 milioi eurokoa izan zen, eta langabeziagatiko kotizazioen sarrerak 1.192 milioi eurokoak. Honek 532 milioi euroko superabita suposatzen du.

Langabetuen % 21,6ak soilik jasotzen du kotizaziopeko langabezia saria

2018/07/03

Enplegu Zerbitzu Publikoak gaur, uztailak 3, argitaratutako datuek adierazi dutenez, Hego Euskal Herrian 152.539 pertsona daude langabezian izena emanda. Hauetatik 88.646 emakumeak dira, hain zuzen, % 58,1. Bilakaerak erakusten du azken hilabetean 3.598 pertsona gutxiago daudela langabezian; 14.668 gutxiago azken urtean zehar.

“Eusko Jaurlaritzak murrizketekin jarraitzen du, horregatik ekimen hau ezinbestekoa da”

2018/06/26

Euskal Herriko Eskubide Sozialen Kartaren ordezkariak kalean izan dira sinadurak biltzen. Helburua, gutxienik 10.000. Hori da Kartak pobreziaren aurka eta kalitatezko babes sistema publiko baten alde garatu duen Legegintzako Herri Ekimena Eusko Legebiltzarrean eztabaidatu ahal izateko jaso beharreko gutxieneko sinadura kopurua. Kanpaina bide onetik doa, eta dagoeneko milaka dira jaso diren atxikimendu sinadurak.