LANGABEZIA

Langabezian dauden 10etik 6 emakumeak dira, biztanleria landunaren erdia baino gutxiago izan arren

2023/07/04
Enplegu Zerbitzu Publikoaren datuek erakusten dutenez, ekainean 134.644 langabe zeuden Hego Euskal Herrian. Urtea hasi zenean baino 7.764 gutxiago eta pasa den hilean baino 2.243 gutxiago. Langabezia tasa %9,9koa da Hego Euskal Herrian, Europar Batasuneko batez besteko % 6,2tik urrun. Azpimarratu behar da langabezian dauden pertsonen %58,9 emakumeak direla, eta biztanleria landunaren %47,2 diren bitartean.

Langabezian dauden pertsonen babesgabetasun eta prekarietate egoera kezkagarria da. Langabezian izena emanda dauden pertsonen %50ek ez du langabezia prestazio edo subsidiorik kobratu. 5etik 1ek baino gutxiagok (%19,7k) kobratu dute kotizaziopeko prestazioa (batez beste 996,8 euro EAEn eta 1.030,3 euro Nafarroan), eta gainerakoek hilean 480 euroko subsidioa kobratu dute.

Kontratazioaren datuei dagokienez, sinatutako kontratuen %74,2 aldi baterakoak izan dira urteko lehen hiru hilabeteetan, hau da, sinatutako lau kontratutik hiru aldi baterakoak izan dira.

Datu horiek kontratazio berrietan dagoen prekarietatea eta enplegurik gabeko jendearen babesgabetasuna erakusten dute. Beharrezkoa da antolaketa eta mobilizazioa bizi baldintzen hobekuntzaren alde borrokatzeko.