Akordioa lortu da Bilboko argiztapen zerbitzua eskaintzen duen Bilboko Argiak enpresan
Ia 100 eguneko grebaren ondoren, eta Bilboko Udalak borondaterik erakutsi ez badu ere - ez baitu bere gain hartu nahi izan gatazka honetan duen erantzukizuna- Bilboko Argiak Aldi Baterako Enpresa Elkarteko (ABEE) greba-batzordeak (1 ELA, 1 LAB, 1 CCOO) akordio bat lortu du, langile guztiek berretsia, ezarritako helburuak jasotzen dituena.
Zehazki, akordioak honako puntu hauek jasotzen ditu:
- 2021eko martxoaren 5ean kaleratutako langilea berriro hartzea.
- Soldata-hobekuntza handiak osagarrietan eta plusetan.
Hobekuntzak oporretan eta norberaren aukerako egunean.
Bilboko Argiak-eko gatazka martxoan hasi zen, enpresak langile bat bidegabeki kaleratu zuenean, langileak antolatzea eta lan-baldintzak hobetzeko borrokatzea erabaki zutenean.
ELAk langileak zoriondu ditu 95 greba egunetan erakutsitako indar eta borrokagatik. "Borrokatzeak merezi duela erakutsi dute, eta grebari prestigioa eman diote helburuak lortzeko tresna gisa", azpimarratu du sindikatuak.