Bilboko Udalak 763 euroko soldata ordaindu nahi die Udaltzaingoan sartu berriei

2021/02/10
Otsailaren 23an 70 agente berri sartuko dira Bilboko Udaltzaingoan. Askok Arkautin, Polizia eta Larrialdietako Euskal Akademian, egin beharko dute derrigorrezko prestakuntza-aldia. Udalak hautagaiei helarazten dien derrigorrezko prestakuntza, sinatutako kontratua Udaltzaingoarena baita lehen egunetik. Orain, Bilboko Udalak lan-baldintzak prekarizatu nahi ditu: amaitu berri den Udaltzaingoko lan-eskaintza publikoko 70 hautagaiei 763 euro ordainduko dizkie prestakuntza-aldian.

Aurten, lehen aldiz, Bilboko Udala hautagaien lan-baldintzak prekarizatzeko asmoa duela dirudi. Derrigorrezko prestakuntzak irauten duen 9 hilabeteetan, langile horiei 763 euro gordin ordainduko zaizkie. 763 euro gordin, hainbat hilabetez bizirik iraun behar izateko eta, gainera, etxetik Gasteizko akademiara joateko eguneroko bidaia ordaintzeko.

Ez da Bilboko Udala kolektibo horren lan-baldintzak murrizten eta prekarizatzen saiatzen den lehen aldia. Prozesu horietan guztietan, ELA izan da, Udaltzaingoarekin batera, plan horiek geldiarazi dituena eta ordaindu beharreko soldatak ordaintzea lortu duena.

Juan Mari Aburto Bilboko alkateak eta Udalak "krisi honetatik duintasunez ateratzea" aipatu dute. Hala ere, egoera hori baliatzen dute lan-baldintzak prekarizatzeko. Aburto: bizi al daiteke 763 euro gordinekin hilean? Erantzuna ezezkoa bada, konponbidea zure esku dago. ELAk martxan jarri du bere makineria juridiko eta sindikal guztia, harrapaketa hori ez egiteko eta udaltzainei soldata duinak ordaintzeko.