Osakidetzako garbitzaile azpikontratauek mobilizazioak egin dituzten hitzarmena eta lan baldintza duinen alde
Osakidetzako garbikuntzako langile azpikontratatuek elkarretaratzea egin dute gaur goizean Donostiako Ospitaleko sarreran. ELA-LAB-UGT-CCOO-ESK sindikatuek deitutako elkarretaratzean, garbitzaileen lan baldintza duinak aldarrikatu dituzte. Bi urte baino gehiagoko negoziazioaren ondoren, negoziazio mahaia blokeatuta dago, eta patronala, akordioa lortu nahi izan gabe, negoziazioa oztopatzen ari da.
Pandemiak iraun duen bitartean, langile horiek funtsezko zerbitzutzat jo dira, baina, egia esan, langile falta dago, lanpostu hutsak eta bakanteak ez dira betetzen, Osakidetzako autobusak erabiltzea debekatzen zaie, ez dute garbitzeko materialik... Hori guztia Covidaren olatu betean. Beraz, beste behin ere aldarrikatuko dugu funtsezkoak garela eta denbora honetan guztian lehen lerroan egon garela, baina hortaz, lan-baldintza duinak eta benetako negoziazioa merezi ditugula.
Kontzentrazio horretan laneko materiala zintzilikatu da, materialaren baldintza prekarioak eta gabezia bistaratuz.