Albisteak

UBIK Tabakalerako sorkuntza liburutegiko bitartekarien argibideak greba mugagabearen 9. egunean

2018/12/30

Jada bederatzigarren greba egunean izanik, bitartekariok azken egunetan bizi izan dugunari buruz hitz egin nahi dugu. Alde batetik, jendearen elkartasuna azpimarratu nahiko genuke, oso positiboa izan bait da aurrera daramagun grebaren baitan. Eskerrik asko bihotzez zuen hitz, bultzada eta ulermenarengatik. Bestalde, azken egunetan, irakurri ahal izan ditugun hainbat adierazpenen inguruan, bitartekariok argibide batzuk egin nahiko genituzke.

Gipuzkoako erresidentzietako eta eguneko zentroetako langileek greba egingo dute abenduaren 24tik aurrera

2018/12/18

Gipuzkoako erresidentzietako ELAko langileek greba egingo dute abenduaren 24, 25, 26, 28, 29, 30 eta 31n. Onartezina da patronalen jarrera gatazka honetan; baita Diputazioaren jarrera pasiboa negoziazio prozesuan ere. Kontrako jarrera dute, ordea, zerbitzu minimoen gehikuntza bultzatzeaz ari direnean. Izan ere, gutxieneko zerbitzuen beharra dagoela saltzeko txosten interesatua eta aldebakarrekoa sortu dute. Horrek greba eskubidea urratzeaz batera, gatazka luzatzea dakar.

Gipuzkoako komisaldegi eta epaitegietako garbitzaileek 83 egun daramatzate greban

2018/12/10

Eusko Jaurlaritzako Segurtasun eta Justizia Sailetako garbikuntza zerbitzuko langileek soldata-arrakalaren kontrako borrokarekin jarraitzen dute. Gipuzkoan zehar egin dituzten bi oinezko martxen ondoren, Eusko Legebiltzarrara eraman dute protesta. Era berean, Legebiltzarreko hainbat talderekin bilerak hitzartu dituzte, beren egoeraren berri emateko.

ELAk Anoetako birmoldaketa lanetan atzeman diren irregulartasun guztien atzean iruzurra dagoela frogatu du

2018/12/05

ELAk Anoetako futbol estadioaren birmoldaketa lanetan iruzurra izan dela agerian uzten duen txostena aurkeztu du. Bertan azaltzen denez, Errealak gutxiago ordaindu dezan obren lizitazioa prezio merkean egin zen, beti ere, langileen lan baldintza eta segurtasunaren kaltetan. ELAk obrei egindako jarraipenari esker, merketze horrek segurtasunean eta lan baldintzetan izan dituen ondorio larriak azaleratu daitezke.

Gurean Euskaraldiak darrai!

2018/12/04

Euskaraldian zehar sindikatuko kide askok gure hizkuntza ohiturak aldatu ditugu, baina garrantzitsuena aurretik egindakoa eta ondoren egingo duguna izango da. Euskaraldiaren aurretik ELAk euskara gure lanaren erdigunera ekartzeko konpromisoa hartu du, eta Euskaraldia konpromiso hori finkatzeko ariketa izan da. Hemendik aurrera euskaldun guztion hizkuntza eskubideak sindikatu barruan zein lan-munduan errespetatu arte lanean jarraituko dugu. Horregatik, ELAn abenduaren 4an eta ondoren ere Euskaraldian darraigu!

Gipuzkoako erresidentzietako langileek bost greba egun egin dituzte azaroaren 26tik 30era bitartean

2018/11/30

Gutxieneko zerbitzuen eraginez greba egitera deituak 5000 langile badaude ere, greba eskubidea 5etik batek soilik izan dute, Diputazioa eta Lan Delegaritzak jokatutako papera tarteko. Dena den, jarraipena erabatekoa izan da greba eskubidea zutenen artean. Gaur ehunka langile elkartu da Aldundiaren aurrean eta ondoren manifestazio batek Donostiako kale nagusiak zeharkatu ditu. ELAk abenduaren 24tik 31 arteko greba deialdiari eusten dio; izan ere, patronalak eta Aldundiak ez dute proposamen berririk jarri mahai gainean.

Gipuzkoako komisaldegi eta epaitegietako garbitzaile grebalariek oinezko martxak egingo dituzte soldata-arrakala ezabatzeko

2018/11/27

Lehengo etapa Oiartzundik Donostiara izango da eta bigarrena Eibarko epaitegitik Bergarako epaitegira. Beren proposamena da Eusko Legebiltzarrera eramatea proposamen bat gatazkaren konponbidea exijitzen duena. Komisaldegietako eta epaitegietako garbikuntza zerbitzuko langilek greban daude pasa den irailaren 19tik pairatzen duten soldata-arrakala ezabatua izan dadin, ELA, ESK, LAB eta UGT sindikatuen babesarekin. Greban eman dituzten 70 egun hauetan, ez segurtasun sailak, ez Justizia sailak ez dute nahi izan langileekin bildu. Garbialdiri dagokionean, enpresa esleipenduna, greba hasi zenetik hilabete oso bat igaro zen berriro negoziazio‑mahaian eseri zen arte, eta gainera, erosahalmena mantentzea bermatzen ez duten proposamenak ekartzeko.

Gipuzkoako erresidentzietako aste honetako lehen greba egunak jarraipen zabala izan du

2018/11/26

Aste honetako lehenengo greba eguna izanik, ELA-ko sektoreko langileek masiboki adierazi diote atxikimendua grebari, aste osoan egingo duten bezala. Ehundaka langilek parte hartu dute Txara II zahar-etxean egin den elkarretaratzean. Patronalak eta Aldundiak arduragabekeriz jokatzen jarraitzen badute ELA-ko langileek argi daukate mobilizazio eta greban jarraituko dutela egoera irauli arte.

SOS Deiak-en zentralizazioaren aurkako elkarretaratzea Donostian

2018/11/21

`SOS Deiak-en zentralizazioaren aurka´ lelopean Gipuzkoako Foru Aldundiaren aurrean elkarretaratzea egin du ELAk. Ekitaldi  honen helburua oinarrizko zerbitzu publiko honen okertze proposamenaren aurkako salaketarekin jarraitzea da. Gaur egun zerbitzu hau herrialde bakoitzatik kudeatzen da eta Eusko Jaurlaritzak Bizkaian zentralizatzeko asmo irmoa du. ELAren iritziz zentralizazio hau ez da beharrezkoa. Eusko Jaurlaritzak gaur egun arte bermatutako kudeaketa eraginkorra ezerezean utzi nahi du eta bertako langileen ezagutza zehatza alboratu.

Osasun Sailak "Onkologikoa" Fundazioarekin izenpetu duen hitzarmenaren ondorioz diru publikoa proiektu pribatuak finantzatzera bideratuko da

2018/11/19

Osakidetzak diru publikoaz ordainduko ditu Onkologikoaren beharrezko inbertsioak, prestazio egokiak eman ahal izateko; baina Onkologikoaren jabetzapeko eraikin batean geratuko dira. Osakidetzak gure osasun-sistema eraisteko bidean aurrera egin du. Eta osasun publikoa, unibertsala eta kalitatezkoa bermatu beharrean, proiektu pribatuak finantzatzen erabiltzen du diru publikoa, eta gainera zerbitzu pribatu horiei aukera ematen die esparru publikora sartzeko.

SOS Deiak-en zentralizaziorik ez

2018/11/13

"SOS DEIAKen zentralizazioaren aurka" lelopean azaroaren 21ean goizeko 10:30etan Gipuzkoako Foru Aldundiaren aurrean egingo dugun konzentrazioan parte hartzeko gonbitea luzatzen dizuegu.

Donostiako Etxez Etxeko Laguntza Zerbitzuan grebarekin jarraitzearen aldeko jarrera azaldu zuen ELAk

2018/11/07

Donostiako Etxez Etxeko Laguntza Zerbitzuan enpresa hitzarmenaren negoziazioa desblokeatzeko urriaren 22tik aurrera greba mugagabe batera deitu zitzaien hor lan egiten duten 400 langileri. Bi aste hauetan Garbialdik mahai gainean jarritakoak ez zituen inolaz ere langileen lan baldintzak hobetzen (sei urterako hitzarmena, gero bostera jaitsi arren; 2018. urtea izoztuta; desplazamenduko denboran urtero minutu bakarra onartzea, e.a.). Horregatik, eta greba langileen armarik eraginkorrena izanik enpresari presioa egiteko, ELAk argi geneukan greban jarraitu behar genuela.

Donostiako eraikin garbitzaileek greba bertan behera uztea erabaki dute batzarraren ondoren

2018/11/06

FCCko langileak Donostiako Udalaren eraikinak eta lokalak garbitzen aritzen dira egunero, baina azaroaren 5etik greba mugagabeari ekin zioten eta grebarekin amaitzea erabaki dute, grebatik erori direlako lehengo USO, aurreakordio baten sinadurarekin, eta gero CCOO aurreakordiorekin bat egin ez arren. Langileek datorren astean asanblada egingo dute mobilizazio egutegi berria adosteko.

Greba eta mobilizazio gehiago izango dira Gipuzkoako egoitzatan

2018/10/26

Gipuzkoako patronalak negoziatzeko batere borondaterik erakusten ez duela salatu dute sindikatuetako ordezkariek. Era berean, gatazkari irtenbidea bilatzeko Diputazioaren inplikazio eza salatu dute Aldundiaren aurrean egindako protestaldian. Egun egunetako greba deialdiaren arrakasta ere nabarmendu dute. Ekitaldian Bizkaiko zakar-egoitzetako elkartasuna jaso dute; izan ere, 365 eguneko grebaren ondoren lortu zuten akordioa. Ondoren manifestazio batek Donostiako kale nagusiak zeharkatu ditu.

Urriaren 27an denok Donostiara #Erraustegiagelditu dezaten aldarrikatzera

2018/10/26

ELAk urriaren 27an Donostian erraustegiaren aurka egingo den manifestazioan parte hartzeko deia egiten du. Manifestazioa Mendeurren Plazatik aterako da #erraustegiagelditu lelopean. Hainbat mugimendu sozial eta sindikalek deitutako mobilizazio honetan (Erraustegiaren Aurkako Mugimendua, GuraSOS, Gipuzkoa Zutik, GEIS/OEIT, ELA, LAB, CCOO, ENHE, ESK, STEE, HIRU, ERNAI, Eguzki, Greenpeace eta No + precariedad), gipuzkoako herritarren ezinegona islatu nahi da; baita obrak behin betiko gelditu fitzaten exijitu ere.

Gipuzkoako zahar egoitzetan greba egingo dute urriaren 24, 25 eta 26an

2018/10/23

Patronalek eskaintzen duten izozketen, Foru Aldundiaren txosten partzialen eta Eusko Jaurlaritzaren zerbitzu minimo klasisten aurrean, Gipuzkoako erresidentzia eta eguneko zentrotako ELAko langileek greba egingo dute urriaren 24, 25 eta 26an. Halaber, ELAk salatu nahi du patronalaren eta Gipuzkoako Foru Aldundiaren jarrera eta Diputazioak txostenetan deskribatzen dituen gertaera serioen konstantziarik ez duela berresten du. Eusko Jaurlaritzaren zein Diputazioaren asmoa agerian utzi dute azken gertaerek: langileen grebarako eskubidea urratu eta gatazka luzaraztea da, ez dagozkien ardurak bere gain hartzea.