Akordiorik gabe amaitu da Productos Tubulares lantegiko ERTEaren kontsulta-aldia
Azaroaren 26an bukatutzat eman da Produktu Tubulares enpresak Trapagarango 388 langilerentzat planteatutako Enplegua Erregulatzeko Txostenaren kontsulta-aldia. ELAk ez du onartuko bideragarritasuna eta etorkizuna dituen enpresa batean langileen lan-baldintzak aldatu eta malgutzea eta, bide batez, Ezkerraldean pobrezia areagotzea.
Harrigarria da ERTEren dokumentazioan aurkezten duten bideragarritasun-planak berregituraketei eta antolaketa-aldaketei buruz hitz egitea, eta, aldiz, enplegua bermatzeko Productos Tubulares enpresak beharko lukeen plan bati buruz ezer ez jasotzea.