Albisteak

Irailaren 30ean eta urriaren 1, 2 ,3 eta 4an egingo dute greba Bizkaiko metalean. Patronalarekin bildu ostean hartu dute bost eguneko greba deialdia mantentzearen erabakia, patronalak negoziatzeko inongo borondaterik ez duela berretsi eta gero. Izan ere, ELA, LAB, CCOO eta UGTren esanetan, patronalak bilerara eraman duen eskaintza oso eskasa izan da. Azaldu dutenez, patronalak ez du ezer planteatu subrogazio eskubideari buruz eta prekaritatearen eta behin-behinekotasunaren aldeko jarrera garbia erakutsi du. "Argi utzi digute aurrez aurre duguna patronala dela, sektorean sortzen ari den aberastasuna banatzeko asmorik ez duen patronala, hain zuzen ere", gaineratu dute sindikatuek.

Barakaldoko udal-igerileku eta zentroetako langileek, EMTESPORT enpresaren bidez azpikontratatuak, lau orduko lanuzteei ekin diete, euren soldata eta lan-baldintzetan hobekuntzak negoziatzeko asmoz.

ELA, CCOO, LAB, UGT, ESK, CGT, USO eta CNTk deituta, Bizkaiko metaleko langileek kontzentrazioak egin dituzte Petronor, Elecnor, Astilleros Murueta, Ormazabal eta Leyde Steel enpresen egoitzen aurrean, Euskadiko hitzarmen sektorial garrantzitsuenetarikoan lan baldintza duinak bermatu daitezen exijitzeko. FVEM, Bizkaiko Metaleko Enpresen federakundea, gezurretan ari dela salatu dute ere. Langileak greban izango dira irailaren 30etik urriaren 4ra.

Haizea Wind, S.L. enpresa 2018an sortu zen, Eusko Jaurlaritzaren onespen guztiekin, inaugurazio-ekitaldira Urkullu Lehendakaria eta Arantxa Tapia Industria sailburua joan baitziren. Hala ere, enpresa horretako lan-harremanen ezaugarriak ezarpenak, prekarietatea eta iruzurrezko kontratazioa dira. ELAko ordezkariek elkarretaratze bat egingo dute bere egoitzan, Iberdrola dorrean, mobilizazioen abiapuntu gisa, kalitatezko enpleguaren eta lan-osasunaren alde, eta kaleratzeen aurka.

Bizkaiko metaleko langileek denbora daramate euren lan eta bizi baldintzen alde mobilizatzen. Sortzen duten aberastasunaren banaketa bidezko bat eskatzen dute. Landeiaren 234. aleak gai hau ere lantzen du.

Grebak irailaren 30ean eta urriaren 1, 2, 3 eta 4an izango dira. Eusko Jaurlaritzan erregistratu dute greba deialdia eta ondoren patronalari jakinarazi diote. Halaber, uztailaren 18an kontzentrazioak egingo dira Petronor, Elecnor, Astilleros Murueta, Leyde Steel eta Ormazabal enpresen aurrean.

Uztailaren 3an Bilbon izan den batzarrean ELAko 250tik gora delegatu Bizkaiko Metaleko egoerari buruz aritu dira, 5 greba jardunaldi eta mobilizazio egin ostean. Helburuak lortu arte borrokan jarraitzeko konpromisoa hartu dute bertan bildutakoek, hau da, sortzen ari den aberastasuna era justuan banatu arte, eta Bizkaiko metalean prekaritatea gelditzeko neurriak eta lan baldintza duinak bermatuko dituen hitzarmen sektoriala lortu arte.

Bizkaiko kirol lokal eta zelaietako langileak sektorean enplegu duina lortzeko borrokan ari dira. Izan ere, plantillak profesionalizatu dira, baina hori ez da lan-baldintzen hobekuntzan igarri. Esan daiteke ekainaren 27ko lanuztea masiboa izan dela . Mobilizazioak goizeko 10etan hasi dira CEBEK patronalaren egoitza aurrean, eta hiru ordu beranduago Bilboko Arriaga antzokiaren aurrean amaitu dira. Ibilbidean zehar sektorean egiten den lana erakusteko hainbat ariketa egin da, esaterako zumba edo dantza eskolak.

Langileen batzarrak lau greba-aldi egitea onetsi zuen ekainaren 20an, derrigorrezko aparteko orduetan egiten diren gehiegikeriak behingoz konpontzeko. Derrigorrez egin beharreko aparteko orduen gehiegizko kopuruek modu txarrean eragiten dute langileen osasunean, haien segurtasunean, eta ondorioz instalazioen eta ingurumenaren segurtasunean. Gainera, familia-kontziliazioa ere eragozten dute.

Bizkaiko kirol lokal eta zelaietako langileak sektorean enplegu duina lortzeko borrokan ari dira. Izan ere, plantillak profesionalizatu dira, baina hori ez da lan-baldintzen hobekuntzan igarri.

Ekainaren 21 Bizkaiko Metalean deitutako bosgarren greba eguna izan da. Aurreko deialdietan bezala, jarraipena oso handia izan da eta berriz ere milaka eta milaka langilek Bilboko kaleak bete dituzte ELA, LAB, CCOO eta UGTk deitutako manifestazioan.

Bizkaiko Metaleko laugarren greba egunak ere parte hartze handia izan du, sektoreko langileen %85ak deialdiarekin bat egin baitu. Deialdiak babes handia jaso badu ere, ELAk Durangaldean gertaturikoa salatu nahi izan du. Izan ere, azaldu duenez, Durangaldean izan den Ertzaintzaren jokabidea neurrigabea izan da. Ildo beretik, eragindako istiluek grebaren helburua desitxuratzen dutela salatu du.

Bizkaiko metaleko negoziazio-mahaia 21. aldiz bildu da. Ekainaren 17an izan zen azken bilera, eta horretan argi geratu zen, beste behin ere, FVEMek ez daukala sektoreko lan baldintza duinak bermatuko dituen hitzarmen bat negoziatzeko borondaterik.

Amazonek iragarri du datorren ekainaren 20an lanean hasiko dela Ezkerraldeko bere planta logistiko berria. Honetaz gainera, Costco multinazionalaren saltoki handi bat irekiko da, Bricomar denda hedatuko da, Max Centerreko aisialdi gunea zaharberrituko da, etab. Ezkerraldean merkataritza gune handiak hedatzen ari dira. Hamaika bider salatu du ELAk desindustrializazio politika, aspaldidanik datorrena, eta zerbitzuen sektorearen hazkundea, zeinaren ikurra diren soldata kaskarrak, desarautze orokorra, lanaldi partzialeko kontratuak eta, finean, prekaritatea, batik bat gazte eta emakumeei egiten zaizkien kontratu berrietan.

Gurutzetako Arreta Psikosozialaren Modulua (MAPSC) orain dela 40 urte sortu zen zenbait familiaren eskutik, arreta psikosozialaren beharra zuten eta Osakidetzaren Osasun Mentalaren sarean artatzerik ez zuten pertsonentzat. Elkarte hori irabazi asmorik gabekoa da eta onura publikokoa izendatu zen 2018. urtean. Honez gero 40 urte darama sorrerako helburu hura betetzen.

Gurutzetako ospitalean gaueko txandan pediatriako kirofanoa itxi dutela salatu dute ELA, ESK, SATSE, SME/FFHE, UGT, CCOO, LAB, SAE eta UTESEk. Erabakia ulertezina da, izan ere, kirofano hori erreferentziazko zerbitzua da pediatriako pazienteen arretarako, Bizkaian zein inguruko herrialdeetan.

Bizkaiko Metalako hirugarren greba egunak ere jarraipen handia izan du eta milak lagun bildu dira Bilbon beste manifestazio handi batean. ELA, LAB, CCOO eta UGT sindikatuotako ordezkariak pozik agertu dira aste honetan grebak izan duen jarraipenarekin.

Bizkaiko Domino's Pizzako langileek, batzarrean bildurik, sei greba-egun gehiagorako deia egitea erabaki dute, hasieran deitutako lau egunez gain. Lehen eguneko grebak erantzun handikoak izan dira, eta ekainaren 8 eta 9 egunetarako aurreikusita zeuden lanuzteei 6 egun gehitzea erabaki dute: ekainaren 14, 15, 16, 21, 22 eta 23an.

EUDELek Bilbon duen egoitzaren aurrean egin dute elkarretaratzea. Bertan gogora ekarri dute Etxez Etxeko Laguntza Zerbitzua lehentasunezko zerbitzu publikoa dela eta Euskal Autonomia Erkidegoko Gizarte Zerbitzuen Euskal Sistemaren barnean sartuta dagoela. Gizarte Zerbitzuen Legearen arabera udalerriena da zerbitzuaren titulartasuna, Gizarte Zerbitzuen zorroan erregulatuta ez dagoela.

Bizkaiko Metalgintzako grebaren jarraipena % 85 koa izan da. Bestalde, Milaka lagun bildu da Barakaldoko BEC aurrean: izan ere, enpresen goi bilera ospatzen ari da bertan. ELAren aburuz FVEM patronala harrotuta dago eta sektorean sortzen den aberastasuna oso-osorik poltsikoratu nahian jarraitzen duenez, erantzun irmoa eman diote langileek berriro ere.

Bizkaiko metaleko negoziazio-mahaia berriro bildu da; maiatzaren 23ko greba arrakastatsuaren ostean egin den lehen bilera izan da hau. Gogoratu, grebak langileen %80aren babesa jaso zuela; Bilbon egindako manifestazioan, berriz, 15.000 lagun inguru batu ziren.

ELAk Domino´s pizza-ko langileek pairatzen duten prekaritatea salatu eta lanuzteak deitu ditu ekainaren 1, 2, 8 eta 9an Bizkaiko lan zentroetan.

Sektoreko hitzarmenak eragindako langileen bi herenek egin dute bat Bizkaiko metalgintza sektorean deituta zegoen grebarekin. ELA, CCOO, LAB eta UGTko bozeramaileen arabera greba “oso handia” izan da, Bizkaiko metalgintzako langileen %70etik gorako parte hartzearekin. ELAko Mikel Etxebarria arduradunak nabarmendu du deialdiak “egundoko babesa” izan duela, eta patronalari dei egin dio hitzarmenean onar ditzala soldata igoerak eta prekaritate maila izugarriari aurre egiteko beharra. Sindikatuek laneko istripuen gorakada lazgarria salatu dute, eta maiatzaren 22an Loiuko Aceros Olarran hildako behargina gogoan izan dute.

Maiatzaren 17ko mahai negoziatzaileko azken bileratan patronalaren jarrera ikusi ondoren, ELA, LAB, CCOO, eta UGT bat gatoz: ezinbestekoa da Bizkaiko metalgintzako sektorea mobilizatzea, eta horregatik erregistratu ditugu bost greba egun hitzarmen sektorial duina lortzeko bidean (maiatzak 23, ekainak 6, 7, 20 eta 21). Honezkero 250 enpresa baino gehiagoren atxikimendua jaso du greba deialdiak.

Bizkaiko metaleko mahai negoziatzailearen hemeretzigarren bilera burutu da Lan Harremanen Kontseiluan. Bilera honetan sindikatuok aurkezturiko proposamenari buruzko zenbait argibide eskatu ditu patronalak; soldata errealetan planteatzen den soldata igoera buruzko argibideak eta malgutasuna mugatzeko proposamenari buruzko azalpenak eskatu ditu, hain zuzen ere. Argitu beharrekoa argitu eta gero, patronalak greba egunak bertan behera uztea eskatu du, gure proposamenari inongo erantzunik eman gabe.

Patronalaren aldetik negoziazioa blokeatuta dagoela ikusirik, mahaian ordezkaritza duten sindikatuek bost eguneko greba deialdia luzate dute Bizkaiko Metaleko enpresa guztietan. Deialdiaren erregistroa Bizkaiko Lan Ordezkaritzan egin dute. Greba egunak maiatzaren 23 eta ekainaren 6, 7, 20 eta 21 izango dara. Salatu dutenez, sektoreko enpresetan hainbat langilek ez dute eduki soldata igoerarik, ezta lan baldintzen hobekuntzarik urte askotan.

ELA, LAB, UGT eta USO sindikatuek zazpi greba egun gehiago erregistratu dituzte. Apirilaren 16 eta 17an eta maiatzaren 13, 14, 15, 16 eta 17an izango dira grebak. 1.500 langile baino gehiago ditu sektore honek eta menpekoak diren 8.000 pertsona artatzen ditu zerbitzuak. Greba txanda berriko lehen egunean protesta egin dute grebalariek Bilboko udaletxearen aurrean.

ELAk, LAB, ESK, STEILAS, EHNE eta HIRU sindikatuekin bat eginez, gertaturiko azken lan istripu hilgarria salatzeko Portugaleten izandako kontzentrazioan parte hartu du. Gogoratu, apirilaren 7an gertatu zela ezbeharra Remolcadores Ibaizabal enpresan. 48 orduko lan txanda egiten ari zela, lan istripu ez traumatikoa pairatu zuen langile batek.

Apirilak 1ean Bilbon egindako asanbladan, Bizkaiko Metaleko Hitzarmenaren negoziaketari buruz, eta sektoreko egoerari buruzko informazioa partekatu da. Asanblada honetan ELAko Bizkaiko Metaleko 200 bat delegatuk parte hartu dute. Patronala (FVEM) hitzarmen sektorialeko negoziaketetan egiten ari den blokeoaren aurrean, aukera ona eduki dugu gure militanteekin sektoreko enpresetan aurrera eraman dezakegun estrategia eta ekintzei buruz hitz egiteko eta eztabaidatzeko.

Akordioan jasotako edukiak hauexek: soldatetan eta plusetan %13tik gorako igoerak ezarri, lanaldia arian-arian murriztu (oraingo 1720 orduetatik 1592 orduetara hiru urtetan); eta horrez gain, behin-behineko pertsonalaren kontratazioa erregulatu da lan-poltsa baten bidez; prekarietatea ezabatu, oraingo kontratu guztiak mugagabe eta lanaldi osoko bihurtuz, eta langileen baldintzak nabarmen hobetu dituzten izaera sozialeko bestelako puntuak.