BFAk Barakaldoko Aita eta Ama zahar Egoitza aldi baterako ixtea agindu du, ELAk arau-hauste larrien inguruan aurkeztutako salaketak frogatu eta gero

Abuztuan, ELAk Bizkaiko Foru Aldundiari jakinarazi zion Barakaldoko Aita eta Ama Egoitzaren egoera jasanezina. Egoitza beste jabe bati eskualdatu zitzaionean gertatu ziren irregulartasunak, eta horrek erabateko babesgabetasuna ekarri zien egoiliarrei eta langileei. Hilabete eta erdiz erakundeei interpelazioa egiten, behin eta berriz hitz egiten eta salaketa formal eta publikoak egiten aritu ondoren, Bizkaiko ikuskaritza eta kontrol zerbitzuak egiaztatu du ELAk salatutako gertaerak egiazkoak direla, eta egoitza aldi baterako ixteko agindua eman du.

Barakaldoko Loiolako Iñigo Egoitzan gertatutakoa egungo zaintza ereduak funtzionatzen ez duela erakusten duen adibide garbia da. Bizkaiko Foru Aldundiak zaintza pribatizatuen ereduaren aldeko apustua egin du, pertsonen zaintza enpresen eta/edo jabeen esku utziz; izan ere, enpresa horiek etekin ekonomikoari lehentasuna ematen diote bizitzari.

Horregatik, ELAk egoera horiek salatzen jarraituko du, eta presazko eredua aldatzea aldarrikatuko du, zaintzak eta bizitza enpresa pribatuen onura ekonomikoen aurretik jartzeko.