Bilboko portuko obran lan-baldintzak duintzeko akordioa

2017/09/15

Zierbenako morruan lanean diharduten Kaimuturra UTEko langileek amai jakinik grebako deitu zuten. Erabakia hartu zuten obra horretan lan-eskubideak behin eta berriz urratzen zirelako. Enpresak saiatu dira (Euskal Herrian esleitzen diren obretan ohikoa den moduan) Bizkaiko eraikuntzako lan-hitzarmena ez aplikatzen.

Enpresen jokabide hau, gainera, gehienbat immigranteak diren langileekin gertatzen da, eta beraz esplotazioari aurre egiteko egoera ahulagoan egon litekeen jendearekin.

ELAk obra horretako langileekin azken hiletan egindako lanari esker egoera ahul hori gainditu eta eskubideak erreibindikatzea erabaki dute. Greba deialdia medio enpresek onartu dute ez zirela zuzen jokatzen ari, eta atzerapenak ordaintzen hasi dira, baita Bizkaiko eraikuntzako lan-hitzarmena aplikatzen ere.

ELAk eutsi egingo dio esplotaziorik gabeko eraikuntza sektorearen aldeko borrokari. Bilboko portuan gertatu dena erreferente garrantzitsua da. Bereziki pozgarria da, gainera, beren lan-bizitzan esplotazioa besterik ezagutu ez duten langileak antolatzea lortu izana; horrela ikusi dute Euskal Herrian sindikatu batek lan-baldintzak duintzeko helburua iritsi duela.