ELAk irabazitako sententzia bati esker, Haizea Windek (Zierbena) ezingo du hitzarmen probintzialeko lanaldia luzatu

2022/01/26

ELAk jarritako demanda bati esker, Haizea Windek (Zierbena) ezin izango du probintzia hitzarmenak jasotzen duena baino lanaldi luzeagorik aplikatu. Bilboko Lan Arloko 6 zenbakiko Epaitegiak arrazoia eman dio ELAri eta baliogabetu egingo du zuzendaritzak, Euskadiko CCOOk eta UGTk 2021-2023rako sinatutako enpresa-hitzarmena; izan ere, hitzarmen horrek Metalaren Hitzarmen Probintziala baino askoz lanaldi luzeagoa ezartzen zuen, zehazki, 58 ordu baino gehiago lanaldi zatituarekiko, eta 100 ordu lanaldi jarraituarekiko.

ELAk urriaren 27an Haizea Wind SL, Euskadiko CCOO eta UGTren aurka jarritako demandaren ondoren, epaiak jaso du kontraesana dagoela enpresa-hitzarmenaren eta probintzia-hitzarmenaren artean, eta Zierbenako enpresa behartu du 1.768 orduko lanaldi hori aplikatzeari uztera.

ELA pozik agertu da epai horrekin, eta Haizea Windeko jazarpen sindikala salatu du. Ziurtatu du enpresak galarazi egiten diela ELAko ordezkariei langileen edo prebentzioko ordezkari gisa lan egin ahal izatea. Gaur egun, UGTko 5 ordezkarik, CCOOko 2k eta ELAko 6k osatzen dute Haizea Wind enpresako batzordea.

ELAk borrokan jarraituko du Haizea Wind enpresako langileak defendatzeko, langileen eskubideak eta segurtasuna lehenetsi daitezen, eta UGTk eta CCOOk sinatutako hitzarmenarekin galdutako erosteko ahalmena berreskuratzeko.