Ortuellako Udalak azpikontratatutako lorezainek greba hasi dute hitzarmen propioaren alde
Ortuellan zerbitzua ematen duten lorazainek, Udalak Elai Serbitzuak (Ansareo) enpresari azpikontratatuta, greba hasi dute hitzarmen propioa lortzeko. Langileek -lorezaintzako estatuko hitzarmena aplikatzen zaie- abendutik daramate harremanetan udalarekin eta enpresarekin, baldintza duinak bermatuko dituen eta estatuko hitzarmena atzean utziko duen hitzarmen propioa lortzeko. Bere lan-baldintzak Bizkaiko beste udalerri batzuetako sektore bereko beste langileek dituztenekin parekatu nahi dituzte.
Greba hasi eta ordu gutxira -aurreabisua duela hamar egun baino gehiago egin zen-, langileek proposamen bat jaso zuten udalaren eta enpresaren aldetik, gatazka konpontze aldera. Proposamena aztertzen ari dira, baina elkarrizketarako eta akordiorako atea ireki dela azpimarratu dute.