Arabako Lan Ikuskaritzak egiaztatu du enpresak grebarako eskubidea urratu duela

Arabako Lan Ikuskaritzak arrazoia eman dio ELAri, eta aitortu du uztaila eta iraila bitartean deitutako greba egunetan Tubos Reunidos Premium Threadsek grebarako eskubidea urratu zuela, eta honako hau ebatzi du: “Enpresak langileen barne ordezkapena ahalbidetu du, barne eskirolajea deitzen zaion horretan”. Hau da, egiaztatuta gelditu da grebalarien ordez greban parte hartu ez zuten langileek bete zituztela euren eginkizunak. Ikuskaritzak larritzat jo ditu gertakariak, eta orain multinazionalaren aurkako zehapen prozedura hasiko da.