Albisteak

70 greba egunen ostean akordioa DHL Agurainen

2019/07/30

DHL Agurainen 70 eguneko greba egin ostean gaur langileen asanbleak ontzat eman du zuzendaritzarekin iritsi den akordioa. Aldi baterako enplegua mugatu egingo da: epe mugatuko kontratuen legezko iraupena mugara iristen denerako automatikoki finko bihurtzeko formulak ezarriko dira. Era berean, KPIz gaindiko soldata igoerak jasotzen dira.

Aguraingo DHL logistikako grebalariek manifestazioa egin dute Gasteizen

2019/07/11

Maiatzaren 23tik aurrera, DHL-Agurain zentroko langileak greba mugagabean dira. Plantillan 110 langile inguru dago, eta hitzarmen kolektiboak horietatik 80 bati eragiten dio. Aguraingo DHL logistika-zentroak Eroskirentzat eta Legazpiko Bellotarentzat egiten ditu lanak. Greba-deialdia egin baino lehen zortzi hilabeteko negoziazioak  izan dira, baita dozena bat bilera ere. Hitzarmenaren indarraldia 2017ko abenduaren 31n agortu zen, eta enpresako zuzendaritzaren asmoa lantokiko hitzarmena edukirik gabe uztea da. Dagoeneko 50 egun bete dituzte greban.

ELAk Arabako Ehunkien Merkataritzako hitzarmena sinatu du

2019/07/11

ELAk, sektoreko %63,33ko ordezkaritza duela, hitzarmen berri bat sinatu du, Arabako Ehunkien Merkataritzako langileen lan-baldintzak arautzeko. Hitzarmenean, ordu osagarrien %30 finkatzea, soldatak duintzea, hitzarmena ez salbuesteko klausula, edo lanaldi-arloko baldintzarik onuragarrienak mantentzeko bermea jasotzen dira, besteak beste.

Arabar Errioxako Lehen Arretaren egoera salatu du ELAk

2019/06/27

ELAk jakin duenaren arabera, Osakidetzako Arabar Errioxako arduradunak ez dauka asmorik azken 10 urtetan uda garaian Bastidako mediku titularra laguntzeko egiten den errefortzu kontrataziorik egiteko. Azpimarratzekoa da uztaila eta iraila bitartean Bastidako herria 1.500 biztanletik 10.000 biztanletara pasatzen dela. Beraz 10.000 pertsona artatzeko mediku bakarra egongo litzateke.

Sindikatuek Arabako zahar-egoitzetako erabiltzaileen arreta-baldintzak eta langileen baldintzak salatu dituzte

2019/05/14

Araban, egoitza ugari egon arren, ez dago hitzarmenik, sektoreko langileen baldintzak arautzen dituenik. Erabiltzaileek eta langileek egoitza horietako batean eta bestean jasotzen dituzten arretak eta trataerak erabat desberdinak dira, eta hori salatzen dugu sindikatu sinatzaileok. Erabiltzaileen eskubideak behin eta berriz urratzen dira, eta langileen baldintzak gero eta prekarioagoak dira.

ELAk dei egiten du maiatzaren 11an pentsioen alde izango diren mobilizazioetan parte hartzera

2019/05/10

ELAk uste du ezinbestekoa dela mobilizazio soziala pentsioak hobetuko badira. Horregatik, bat egin du maiatzaren 11an Hego Euskal Herriko lau hiriburuetan izango diren mobilizazioekin, eta bere militanteak parte hartzera deitu ditu. Hauek dira hitzorduak: 12:00etan Gasteizen (Artium), 18:00etan Donostian (Alderdi Eder); eta 18:00etan Bilbon (Jesusen Bihotza) eta Iruñean (Gaztelu Plaza).

Mercedes Benzek berriz estutu ditu langileak

2019/04/17

Apirilaren 16an Mercedesek hitzarmenaren sinatzaileei jakinarazi zien beste aldebakarreko neurri bat, zeinetan hamaikagarrenez aldatzen zien aurten egutegia langileei, bere buruari ezarritako produkzio beharrei egokitzeko. Mercedeseko egutegi dantza horretan, Gasteizko fabrikako langileak bahitzea erabakiz, beste behin inongo prozedimendu legalik jarraitu gabe, langileen bizitza errespetatu gabe eta pertsonen lana eta familia bateragarri egin gabe, komunikatu dute berriz ere urte hasieran urteko egutegian jarrita zauden oporrak aldatuko dituztela.

Lan-ezbeharren aurkako berehalako neurriak eskatzen ditu ELAk

2019/04/04

Araban gertatutako azken heriotzaren ondoren, dagoeneko hamaika dira 2019an hildako langileak. Lan istripua Gorbeia merkatalgunean gertatu zen eta 61 urteko langilea zendu zen. ELAk bere gaitzespena agertu nahi du ezbehar berri honen aurrean, nola hildakoaren senitarteko eta hurbilekoei, hala Arabako langileria osoari, bere babes eta elkartasuna adierazi nahi dien aldi berean.

Gasteizko CIE Mecautok iruzurra egiten du kontratazioan

2019/02/06

EAEko Auzitegi Nagusiaten epaiak argi azaltzen du esku-lanaren trafiko ilegal baten aurrean gaudela, langileen eskubideak era larri batean urratzen dituena. Hori dela eta, demanda jarri duten langileak CIE Mecautoko langile bihurtzera derrigortzen du.

Arabako metalean lehengo lepotik burua

2019/01/24

Arabako Metaleko Hitzarmenaren mahaiaren bilera berri bat egon da urtarrilaren 24ean; bertan patronalak sindikatuek aurkeztutako plataformei erantzun bat eman behar zien. ELAk iraganarekin guztiz apurtzea eskatu bazuen ere (edukietan eta forman) badirudi patronalak ez daukala baldintzak hobetzeko eta gehiengoak errespetatzeko inongo asmorik. Gainera, bere proposamenean harago doa, hitzarmen estataleko baldintzak Arabako markoan sartuz.

Gurean Euskaraldiak darrai!

2018/12/04

Euskaraldian zehar sindikatuko kide askok gure hizkuntza ohiturak aldatu ditugu, baina garrantzitsuena aurretik egindakoa eta ondoren egingo duguna izango da. Euskaraldiaren aurretik ELAk euskara gure lanaren erdigunera ekartzeko konpromisoa hartu du, eta Euskaraldia konpromiso hori finkatzeko ariketa izan da. Hemendik aurrera euskaldun guztion hizkuntza eskubideak sindikatu barruan zein lan-munduan errespetatu arte lanean jarraituko dugu. Horregatik, ELAn abenduaren 4an eta ondoren ere Euskaraldian darraigu!

ELAk Gasteizko Mercedes lantegiko hauteskundeak irabazi ditu

2018/11/26

Mercedes Benz-eko hauteskunde sindikalak egin ostean, ELAk bere ordezkaritza igo egin du Enpresa Batzordean. ELArentzat oso emaitza onak izan dira, batez ere izandako parte-hartze altua kontutan izanik. Izan ere, parte-hartze altuak langileen nahia islatzen du. 852 langilek ELA hautatu dute beren eskubideak defendatzeko, tailerrean ordezkaritza gehien duen sindikatua izanda eta bulegoetako delegatua berreskuratuz.