Albisteak

DHL Agurainen 70 eguneko greba egin ostean gaur langileen asanbleak ontzat eman du zuzendaritzarekin iritsi den akordioa. Aldi baterako enplegua mugatu egingo da: epe mugatuko kontratuen legezko iraupena mugara iristen denerako automatikoki finko bihurtzeko formulak ezarriko dira. Era berean, KPIz gaindiko soldata igoerak jasotzen dira.

Maiatzaren 23tik aurrera, DHL-Agurain zentroko langileak greba mugagabean dira. Plantillan 110 langile inguru dago, eta hitzarmen kolektiboak horietatik 80 bati eragiten dio. Aguraingo DHL logistika-zentroak Eroskirentzat eta Legazpiko Bellotarentzat egiten ditu lanak. Greba-deialdia egin baino lehen zortzi hilabeteko negoziazioak  izan dira, baita dozena bat bilera ere. Hitzarmenaren indarraldia 2017ko abenduaren 31n agortu zen, eta enpresako zuzendaritzaren asmoa lantokiko hitzarmena edukirik gabe uztea da. Dagoeneko 50 egun bete dituzte greban.

ELAk, sektoreko %63,33ko ordezkaritza duela, hitzarmen berri bat sinatu du, Arabako Ehunkien Merkataritzako langileen lan-baldintzak arautzeko. Hitzarmenean, ordu osagarrien %30 finkatzea, soldatak duintzea, hitzarmena ez salbuesteko klausula, edo lanaldi-arloko baldintzarik onuragarrienak mantentzeko bermea jasotzen dira, besteak beste.

Laudioko Tubacex enpresan 24 urteko behargin bat zendu da lan istripuan. Uztailaren 4an gertatu da ezbeharra, langilea mantenimendu lanak egiten ari zela, eta oraindik garbi ez dauden arrazoiengatik, pieza bat gainera erori zitzaionean. Aurten 26 pertsona hil dira lan istripu baten ondorioz HEHan, hiru Araban.

ELAk jakin duenaren arabera, Osakidetzako Arabar Errioxako arduradunak ez dauka asmorik azken 10 urtetan uda garaian Bastidako mediku titularra laguntzeko egiten den errefortzu kontrataziorik egiteko. Azpimarratzekoa da uztaila eta iraila bitartean Bastidako herria 1.500 biztanletik 10.000 biztanletara pasatzen dela. Beraz 10.000 pertsona artatzeko mediku bakarra egongo litzateke.

Zaharrak berri ekainaren 24an Arabako metaleko mahai negoziatzailearen bileran. Beste behin ere, prekaritate egoera aldatzeko patronalak duen interes eza salatu du ELAk.

CIE Automotive taldeko Gameko enpresako langileak grebara doaz ekaineko astearte eta ostegun guztietan, hau da, 4, 6, 11, 13, 18, 20, 25 eta 27an. Enpresak darabilen jazarpena eta egindako kaleratze bidegabeei aurre egiteko greba egitea erabaki du asanbladak aho batez.

Orain dela egun batzuk ELAk jakin ahal izan duenez Arabako Osasun Mentaleko Sareko Zuzendaritzak COTAren terapia-etxebizitza itxi du (COTA: Orientazio eta Adikzio Tratamenduetako Zentroa). Programa horretako erabiltzaileek ekainaren 2tik aurrera ez dute baliabide hori erabiltzerik izango.

Maiatzaren 23tik aurrera, DHL-Agurain zentroko langileak greba mugagabean dira. Plantillan 110 langile inguru dago, eta hitzarmen kolektiboak horietatik 80 bati eragiten dio. Aguraingo DHL logistika-zentroak Eroskirentzat eta Legazpiko Bellotarentzat egiten ditu lanak.

Txagorritxu Ospitaleko kategoria desberdinetako langileak, goizeko 11:30 ate nagusiaren aurrean kontzentratu dira

AHTren aurrean alternatiba badagoela aldarrikatzeko hainbat eragilek maiatzaren 18rako Gasteizen deitutako manifestazioari atxikimendua ematen dio ELAk eta bere militantziari bertaratzeko deia egin ere.

Araban, egoitza ugari egon arren, ez dago hitzarmenik, sektoreko langileen baldintzak arautzen dituenik. Erabiltzaileek eta langileek egoitza horietako batean eta bestean jasotzen dituzten arretak eta trataerak erabat desberdinak dira, eta hori salatzen dugu sindikatu sinatzaileok. Erabiltzaileen eskubideak behin eta berriz urratzen dira, eta langileen baldintzak gero eta prekarioagoak dira.

ELAk uste du ezinbestekoa dela mobilizazio soziala pentsioak hobetuko badira. Horregatik, bat egin du maiatzaren 11an Hego Euskal Herriko lau hiriburuetan izango diren mobilizazioekin, eta bere militanteak parte hartzera deitu ditu. Hauek dira hitzorduak: 12:00etan Gasteizen (Artium), 18:00etan Donostian (Alderdi Eder); eta 18:00etan Bilbon (Jesusen Bihotza) eta Iruñean (Gaztelu Plaza).

Apirilaren 16an Mercedesek hitzarmenaren sinatzaileei jakinarazi zien beste aldebakarreko neurri bat, zeinetan hamaikagarrenez aldatzen zien aurten egutegia langileei, bere buruari ezarritako produkzio beharrei egokitzeko. Mercedeseko egutegi dantza horretan, Gasteizko fabrikako langileak bahitzea erabakiz, beste behin inongo prozedimendu legalik jarraitu gabe, langileen bizitza errespetatu gabe eta pertsonen lana eta familia bateragarri egin gabe, komunikatu dute berriz ere urte hasieran urteko egutegian jarrita zauden oporrak aldatuko dituztela.

Araban gertatutako azken heriotzaren ondoren, dagoeneko hamaika dira 2019an hildako langileak. Lan istripua Gorbeia merkatalgunean gertatu zen eta 61 urteko langilea zendu zen. ELAk bere gaitzespena agertu nahi du ezbehar berri honen aurrean, nola hildakoaren senitarteko eta hurbilekoei, hala Arabako langileria osoari, bere babes eta elkartasuna adierazi nahi dien aldi berean.

EAEko Auzitegi Nagusiak ELAri arrazoia eman dio; CIE Mecauto enpresa arabarrak SGEko langileak plantillan sartu beharko ditu. Hona hemen gaiaren inguruan Landeia 232k dakarren elkarrizketa.

Krisia hasi zenean Udalak erabaki zuen Akordio Arautzailea beste era batean irakurtzea: erretiro-saria ez zitzaien ordainduko borondatez eta aurretiaz erretiratu eta %100eko pentsioa jasotzen zutenei. ELAk irabazi duen epai bat medio Gasteizko Udalak osorik ordaindu behar du borondatezko erretiro aurreratuen kasuan ere.

ELA-k FormelDko plantillak bizi duen egoera salatu nahi du; gaur egun Arabako industrian dagoen prekarietatearen eredurik garbi eta gordinetako bat da.

ELA, LAB, ESK eta STEILAS sindikatuek 1976ko Martxoaren 3an hildako langileeak omenduko dituzte arratsaldeko 17:30 Zarama auzoan, San Francisco Eliza aurrean. Ondoren manifestazioa abiatuko da Andre Mari Zuriaren Plazaraino. Deitzaileek Martxoak 3ko sarraskiaren oroitzapenezko mobilizazioetan, eragile eta giza mugimenduen inplikazioa guztiz beharrezkoa dela adierazi dute.

EAEko Auzitegi Nagusiaten epaiak argi azaltzen du esku-lanaren trafiko ilegal baten aurrean gaudela, langileen eskubideak era larri batean urratzen dituena. Hori dela eta, demanda jarri duten langileak CIE Mecautoko langile bihurtzera derrigortzen du.

ELAk salatu du Gasteizko Fundiciones Gamarrako zuzendaritzak langile bat kaleratu duela gaixotasun larri bat zuela jakin ondoren. Erabakia 2018ko abenduan hartu zuen, langilea Lan-Arriskuen Prebentziorako arduraduna izanik, zerbitzua beharrezkoa ez zela argudiatuz.

Arabako Metaleko Hitzarmenaren mahaiaren bilera berri bat egon da urtarrilaren 24ean; bertan patronalak sindikatuek aurkeztutako plataformei erantzun bat eman behar zien. ELAk iraganarekin guztiz apurtzea eskatu bazuen ere (edukietan eta forman) badirudi patronalak ez daukala baldintzak hobetzeko eta gehiengoak errespetatzeko inongo asmorik. Gainera, bere proposamenean harago doa, hitzarmen estataleko baldintzak Arabako markoan sartuz.

ELAk Jaurlaritzari exijitu dio Lanbide Heziketako irakasle teknikoen lanpostuak kontsolidatzeko eta beren lan baldintza prekarioak betikotzen dituen eta lanpostuak arriskuan jartzen dituen erabakia bertan behera uzteko.

Sei hilabete greban eman ondoren, irabazi egin dute Gasteizko Ariznanavarra egoitzako sukaldean diharduten langile azpikontratatuek. Landeiaren 231. aleak garaipen sindikal hau jorratzen du.

Aernnovak Miñaoko Arabako Parke teknologikoko “Centro de Excelencia de Mecanizado” berria inauguratu zuen abenduaren 11ean zalaparta handiarekin. 200 lanpostu sortuko direlako sekulako propaganda egin dute, hori bai, 2022an dirudienez.

Tuvisa enpresan (Transportes Urbanos de Vitoria-Gasteiz) egindako hauteskunde sindikaletan ELA izan da ordezkari gehienak lortu dituen sindikatua. Guztira, 4 ordezkari lortu ditu.

Azaroaren 28an Arabako Metaleko Negoziazio Mahaia osatu da, enpresetako ordezkaritza kontuan izanda dagokion parte-hartzea zehaztuz. Enpresarien aldetik 13 ordezkari SEAk, eta alde sindikaletik 6 ELA, 3 UGT, 2 CCOO eta 2 LAB.

ELA, beste behin, indarrik babestuena izan da Gasteizko Udalean 35 boto gehiagorekin gehiengoa lortuz, horrela lehenengo indar sindikal bezala berretsi da, 10 ordezkari mantenduz.

Mercedes Benz-eko hauteskunde sindikalak egin ostean, ELAk bere ordezkaritza igo egin du Enpresa Batzordean. ELArentzat oso emaitza onak izan dira, batez ere izandako parte-hartze altua kontutan izanik. Izan ere, parte-hartze altuak langileen nahia islatzen du. 852 langilek ELA hautatu dute beren eskubideak defendatzeko, tailerrean ordezkaritza gehien duen sindikatua izanda eta bulegoetako delegatua berreskuratuz.