Arabako sektore soziosanitarioko langileak foru aurrekontuen aurka mobilizatu dira

2021/12/23
APDEMAko, INDESAko eta Arabako Egoitza eta etxebizitza komunitarioen eta Esku- hartze Sozialaren sektoreetako batzordeek Arabako Foru Aldundiaren aurrekontuen aurka mobilizatu dira. Langile hauen ustez aurrekontuak ez dira nahikoak eta ez die hobekuntzarik ekarriko azpikontratatutako, feminizatutako eta prekarizatutako gizarte-zerbitzuetako langileei.

ELAren ustez, aurrekontu horien bidez, Aldundiak oztopatu egiten du negoziazio kolektibo errealaren aukera, hobekuntza ekonomiko eta sozialak baldintzatuz Foru Gobernuak berak hartzen dituen erabakietara, negoziazio-mahaietatik kanpo. Parte hartzen ez duten baina finantzazio faltarekin blokeatzen dituzten negoziazio-mahaiak.

Enpresa pribatuek Foru Aldundiarekin, Eusko Jaurlaritzarekin eta Gasteizko Udalarekin egindako kontratuen edo lankidetza-hitzarmenen bidez kudeatutako baliabide publikoez ari gara. Osasun-krisiaren ondorioak gehien pairatu dituzten baliabideak dira, eta baliabide horiek ez dute jarduera geldiarazi, publikoki aitortu baitzaie egindako lana, txaloka bada ere. Pandemian funtsezkoak izan dira, ezinbestekoak, orain ikusezinak dira.