DHL-Mercedes

Arropa bilketa, salatzeko Ranstadek kontratatutako behin-behineko langileak tenperatura baxuetan lan egitera behartzen dituztela

2024/12/20
ELAK arropa biltzeko hainbat gune antolatu ditu DHL SUPPLY CHAINeko (Mercedes Benzen hornitzaile logistikoa) fabrikaren sarreretan, tenperatura baxuen egiturazko arazoa salatzeko. Duela urte asko pairatzen dute arazo hori DHLko langileek. Nahiz eta lan gehiena Mercedesen instalazioetan egiten den, berogailuak dituzte bertan, beste eremu batzuetan ez dago Merdecesek zuzenean kontratatutako langilerik, eta horietan, hain justu, berogailuek ez dute ondo funtzionatzen.

Enpresa nagusiko langileei dagokienez, azpikontratako langileen arteko tratu ezberdintasuna are handiagoa da DHLk kontratatutako Ranstad ABLEko behin-behineko pertsonen kasuan. Kolektibo hori berez egoera zailagoan dago, eta, lanpostuetako hotz arazoari gaineratu behar zaio kasu gehienetan ukatu egiten zaiela lanerako beroki arropa ematea, hitzarmen kolektiboak jasotzen duenari bizkarra emanez.

Arropa biltzeko ekimenaren bidez, hotzaren problematika eta behin-behineko langileen egoera prekarioa gizarteratzea lortu da, eta agerian utzi da diskriminazio bikoitza dagoela, eta horren erantzule Mercedes eta DHL direla. Bi enpresek erabateko borondaterik eza erakutsi dute ezagutzen duten egoera horri buelta emateko; izan ere, fabrikaren handitzeak eraikitako nabe berrietan ere, hotz-arazoak bere horretan dirau.

Azkenik, ekimen horren emaitza bildutako 150 kilo inguru arropa izan zen, hornitzaileen parkeko eta Mercedeseko gainerako enpresetako langileen elkartasunaren erakusgarri, eta Ranstadeko behin-behineko langileei eta soberakinari emango zaie, hainbat kausa soziali emanda.