ELAk deitoratu egin du Euskal Autonomia Erkidegoko Auzitegi Nagusiak labearen itzalaldia geldiarazteari uko egin izana

Gaur jakinarazitako autoaren bidez, Auzitegiak atzera bota du ELA sindikatuak eskatutako kautelazko neurrien eskaera. Izan ere, sindikatuak 2025eko urtarrilaren 29rako programatutako Laudioko lantegiko labearen hoztea berehala gelditzeko eskatu zion.



Lau orrialdeko Auto batean erantzun dio Auzitegiak ELAren demanda zabal eta arrazoituari esanez “ez da ukatzen egiturazko kalte horiek egiazkoak direnik, ezta, beraz, arrazoi teknikoak eta segurtasunekoak ere”. Izan ere, ELAk bere eskaeran berariaz adierazi zuen ez Enpresa Batzordeari ez Prebentzio Ordezkariei ez zaiela aurkeztu inguruabar hori egiaztatzen duen dokumenturik edo txosten teknikorik, ez eta “float labea itzaltzeko urgentziarik” ere.

Salak gaineratu duenez, "Auzitegiak, teknikoki, ez du froga oinarririk labea itzaltzea atzeraezina dela onartzeko".

Horrela, Auzitegiak uko egin dio Galiziako Justizia Auzitegi Nagusiaren irizpideari – berariaz aipatu du ELAk kautelazko neurrien eskabidean –, zeinak 2020an ALCOA enpresari agindu baitzion San Cibraoko lantegiko upelak geldiarazteari uko egiteko; izan ere, "interpelatutako merkataritza sozietateak behin eta berriz esan zuen posible dela upelak berriro erauztea, hau da, ez dela prozesu atzeraezina (...) ez du zehaztu edo ez du lortu abio berri hori berehala eta/edo kostu ekonomiko onargarriarekin gerta zitekeenik".

Nolanahi ere, Euskal Autonomia Erkidegoko Auzitegi Nagusiak Guardiani ohartarazi dionez, "enpresak jakin behar du, zalantzarik gabe, itzaltze prozesuak bere interesen aurkako ebazpen judizial irmo batean izango lukeen eraginaz".

Auzitegiarentzat "garrantzitsua da laneko segurtasun eta osasunaren arloan eskumena duen ezein erakunde ofizialen txosten teknikorik ez egotea", eta gaineratu du "ezin zaiola jaramonik egin Eusko Jaurlaritzak, une honetan bere esku hartzea ulertzen ez bada ere, labea beroan konpondu ahal izatea iradoki izanaren alegazioari".


Azkenik, "Auzitegiak gertakari honen ebazpenetik at utzi ditu Autoglas Opco S.L. Guardian Taldetik bereizteari buruzko alegazioak", nahiz eta Lan Agintaritzak "iruzurtzat" jo duen eta "zilegi ez den arau hauste penal" bat izan den, bai eta "simulaziozko, iruzurrezko eta GUARDIAN LLODIO UNO automobilgintzako dibisiotik kostu ekonomikoa bere gain hartu gabe bereizteko egindako plan baten eragiketa" ere, Vitoria-Gasteizko Lehen Auzialdiko 7 zenbakiko Epaitegiak, konkurtso-prozeduraren barruan azkentzeko EREren espedientean.



ELAk biziki deitoratzen du ebazpen hori, hartutako neurriaren moduko batek eragin izugarria izan dezakeelako langileengan  Azkenik, ELAk urtarrilaren 29an, asteazkena, goizeko 7etan, Guardianeko instalazioen aurrean egingo den kontzentrazioan parte hartzeko deia egin du. Halaber, hilaren 30ean hasiko den greba mugagabean parte hartzeko deia egin die langileei.