Elkarretaratzea Gasteizko udaletxearen aurrean, sektorearen erosteko ahalmenaren galera salatzeko

Etxez Etxeko Laguntza Zerbitzuko, tutoretzapeko etxebizitzetako, etxebizitza komunitarioetako eta esku-hartze soziohezitzaileko zerbitzuko (SISE) langileek elkarretaratzea egin dute gaur Gasteizko Plaza Berrian, Udalaren Osoko Bilkura dela eta. Sektoreko langile guztiak batu dira, eraginkortasun mugatuko estatutuz kanpoko hitzarmen bat sinatzeak denentzat izan dituen ondorio larriak salatzeko. Sektorean %50etik beherako ordezkaritza duen sindikatu batek eta AESAD patronalak sinatu zuten hitzarmena.

ELAk ohartarazi zuen etxez etxeko laguntza zerbitzuaren hitzarmena sinatzeak erosteko ahalmena galtzea zekarrela sektoreko langileentzat, urteko KPIen bermerik ez zuelako eta %13ko soldata igoera eta 0,33€/km igoera 2024ko otsailerako aurreikusitako esleipen bati lotuta zegoelako, data finkorik gabe eta horregatik, ELAk ez zuen hitzarmena sinatu, besteak beste.

Langileek salatu dute erakundeek berandu ateratzen dituztela lizitazio prozesuak. Prozesua 2023ko udan argitaratu behar zen, baina 2023aren amaieran argitaratu zen. Udalak %13 eta 0,33€/km horiek aurrezten ari dira, esleipenak esleitu arte. 2024ko otsailerako esleipena aurreikusten zenetik, enpresen artean emaitzen aurkaratzeak egonez gero, prozesua luza daiteke urte amaierara arte, sektorearen erosteko ahalmenaren galera izugarria da, atzeraeraginik ere ez baitago. Azkenik, aipatu behar da landa eremuko langileek kilometrajea hilabete errealean kobratzea eskatu dutela, eta ez hilabetea igarota edo hilabete zatituan, enpresek beren kabuz inposatu duten bezala.

ELA sindikatuak oso positibotzat jo du gaur egindako protesta; izan ere, sektoreko langile guztiek babestu dute ELA hitzarmen hori ez sinatu izana, sektorean eraginkortasun mugatuko hitzarmena sinatzeak ekarri duen pobretzearen aurrean.