Gasteizko Mercedeseko langileen batzordeak enpresak koiuntura hau erabiltzen ari dela luzeagorako etekina bilatzeko salatu du

2020/11/20
Mercedeseko langieen batzordea osatzen duten sindikatu guztien agerraldia izn da Gasteizko Andre Mari Zuriaren Plazan. Bertan agiri bat irakurri dute lan hitzarmenaren negoziazioan errespetua eskatzeko eta zuzendaritzak aldi baterako koiuntura hau erabiltzen ari duela luzeagorako etekina bilatzeko salatu dute.

 Irakurri agiria;

Mercedeseko Enpresa Batzordea osatzen dugun atal sindikal guztietako ordezkariak gaude hemen. Hemen gaude, fabrikako zuzendariak hala nahi izan duelako. Enpresaren barruan eztabaidatu eta aztertu behar zen gai bat enpresatik ateratzea erabaki zuelako. Baina Zuzendaritzak eztabaidarako eskubidea usurpatu nahi digu, bere erabakia gizarteari helaraziz, aukera bakar bezala aurkezteko eta inposatzeko.
Non geratzen gara langileok? Titos zuzendari  jaunaren arabera langileok beste irtenbiderik ez zaigula geratzen onartu behar dugu. Enpresak hartzen dituen erabaki guztiak onartzea, ezer esan gabe. Joan den ostiralean, behin baino gehiagotan laburbildu zuen jarrera diktatoriala esaera herrikoi batean: "Dilistak dira, nahi badituzu jan eta ez badituzu nahi hor utzi".
Berak urteak eman ditu plantilla honen onurak saltzen. Urteak eman ditugu ekoizpen- eta mozkin-errekorren ondoren prozesuak eta kalitatea erreferentzia izaten taldearen barruan. Urte horietan plantilla jarri da arrakastatsuen protagonista.
Hitz horiek guztiak haizeak eraman ditu. Garai batetik hona, enpresak jende hori bera utzi nahi du protagonista, batzuk kalean, eta beste batzuk ikusle huts gisa.
Hilabete asko daramatzagu zuzendaritzak langileak eta haien familiak errespetatzen ez dituela esaten. Martxoan frogatu genuen hori, pandemiagatik Gasteizen bizi genuen egoera larria alde batera utzita ekoizpenarekin jarraitu nahi baitzen. Orduan, Batzorde honekin batera, langileak izan ziren zuzendaritzaren jarrera arduragabea gelditu zutenak. Ez gaitezen engainatu, zuzendaritzak ez zuen gelditu nahi.

Orain, modu berean, langileok zuzendaritza geditu behar dugula uste dugu, ERRESPETUA eskatuz.
 ERRESPETUA pertsonentzat. Batez ere behin-behineko kolektiboari; izan ere, azken urteotan ezinbestekoa izan dira gure fabrika gaur egun dagoen tokian kokatzeko, eta argi geratu da haien enpleguak egiturazkoak zirela eta direla. Horietako asko abenduan kaleratuko dituzte.
 lan-arloko legedia eta langileen ordezkariak ERRESPETATZEA; izan ere, gure kasuan, langileen % 90 inguruk aukeratu du enpresaren aurrean haiek ordezkatzea.
 adostutakoa eta Hitzarmena ERRESPETATZEA, batzuek sinatu dugun ala ez alde batera utzita, bete beharreko gutxienekoa baita.
 negoziazioarekiko ERRESPETUA, non, normala den bezala, desadostasuna egon daitekeen, baina ez enpresak jarduteko duen fede txarra.
Argi eta garbi esan behar dugu: nahikoa da!! Ez ditugu inposaketak onartzen.
 aski da!! Arduragabekeriaz jokatzeari, logika ororen aurka, horrek langileentzat eta haien familientzat zer dakarren kontuan hartu gabe.
 aski da!! Aldi baterako pertsonak beste ekoizpen-objektu bat balira bezala tratatzeari, eta hori alde batera uzteari. Hemen ez dago inor soberan!
 aski da!! inposaketei eta Enpresa Batzordeari zilegitasuna kendu nahi izateari.
 aski da!! Plantillari eta gizarteari iruzur egiteari, kaleratzeak mahai gainean jarriz, indarrean dauden aukerak eta akordioak daudenean, enpresak aplikatu ere egin ez dituenak.
 aski da!! Edozein negoziaziotan, beti mehatxua eta xantaia erabiltzeari.


Batzorde honek argi dauka enpresak aldi baterako koiuntura hau erabiltzen ari duela luzeagorako etekina bilatzeko. Hitzarmenaren negoziazioa izkinaren bueltan dugu, ez ahaztu hori.
Langile garen aldetik, errespetarazi egin behar dugu geure burua, eta ezin dugu onartu, eztabaidatu gabe, adosten saiatu gabe, espresak haien erabakiak inposatzea. Ildo horretan, eta langileen ordezkari garen aldetik dugun eskubidea aldarrikatuz, Ikuskaritzaren aurrean salatu dugu enpresak ez duela informaziorik eman. Era berean, epaitegietan MSCTa salatu dugu, lan-eredu berria delako.

Batzordearen gehiengo batek denbora darama batasuna lantzen, guztiok izan ditzakegun jarrerak errespetatuz. Mercedeseko langileok bat egin behar dugu errespetu hori eskatzeko.
Batzordeak unitate hori lantzen jarraituko du, Mercedesen lan egiten dugun pertsona guztiak errespeta daitezen eskatzeko.
Emilio Titos jauna, denok nahi ditugu dilistak. Denok jaten dugu fabrika honetatik, argi daukagu.
Baina arazoa nork sukaldatzen duen da. Arazoa zein osagai erabiltzen diren da. Batzuek guztiontzako osagai sozialagoak eskatzen ditugu eta beste batzuek gutxi batzuentzako onurari bakarrik begiratzen diote, baina osagai bat funtsezkoa da. Dilisten gatza, hau da, lan-harremanen errespetua.
Eta hau zuri ere bai, Titos jauna, badakizu.
Azkenik, aukera aprobetxatu nahi dugu, zoritxarrez, gure enpresak duen errespetu falta kutsakorra delako. Atzo, DHL Mercedeseko azpikontrataren zuzendaritzak 5 lagun kaleratu zituen, gezurrez betetako diziplina-espedienteetan babestuta. Mercedesek egin zuen moduan ez duela asko.
Mercedeseko Batzordeak gure babesa eman nahi die kaleratutako pertsona horiei eta haien familiei, eta, oro har, DHLko langileei.