Greba mugagabea CIE Gamekon, ekainaren 23tik aurrera
CIE Gamekoren Legutioko (Araba) enpresa batzordeak, ELAko bost ordezkarirekin, greba mugagabea deitu du ekainaren 23tik aurrera, hitzarmena negoziatzeko. Enpresa hitzarmen zaharra 2020ko abenduaren 31n amaitu zen, eta hura berritzeko eta erosteko ahalmena berreskuratzeko negoziazioak hasi dira. Batzordeak honako proposamenak jasotzen zituen planteamendua egin zuen: langileek sortutako aberastasuna banatzea -Enpresaren irabaziekin bat datorren banaketa-; soldata duina bermatzea; bidezko lanbide sailkapena; lanaldia murriztea; txanda kontratua aplikatzea; eta enpresaren barruan hainbat alderdi hobetzea. Hala ere, irabazi handiak izan arren, enpresa ez dago prest langileen aldarrikapenei erantzuteko.
ELAk gogorarazi du CIE Gameko CIE Automotiveren taldekoa dela. Multinazional honek burtsan kotizatzen du eta 2021ean 3.269,1 milioi euro irabazi zituen (2020an baino %13 gehiago). Enpresak 267,5 milioi lortu ditu (2020an baino %44 gehiago) eta 63,9 milioi banatu ditu dibidenduetan.
Langileen erosteko ahalmena etengabe galtzen ari dela salatu du batzordeak, batez ere, pandemian zehar enpresak egin dituen gehiegizko ERTEen ondoren. Era berean, Arabako Metalaren hitzarmen kolektiboa berritzea eskatu dute, sortutako aberastasuna banatzen lagunduko duen hitzarmen bat.