Inor Ez Kale Gorrian plataformak loaldia egingo du irailaren 23an

2022/09/19

Irailaren 23an, ostiralean, Inor Ez Kale Gorrian-Derecho a Techo plataformak Gasteizko plaza berrian loaldia deitu du, gaueko 20:30tik hurrengo goizeko 9:30ak arte. Dinamikaren baitan bi helburu garrantzitsu daude: batetik, gizarte larrialdietako zerbitzuen errekurtso falta salatzea, eta bestetik, udal gobernuaren inplikazioa zalantzan jartzea.

ELA sindikatuak partehartzen duen plataformaren iritziz: “onartezina da, urteak pasa diren arren, egoera honen berri eman genuenetik, ezer ez aldatzea, hau ez da diru faltagatik, baizik eta borondate politiko faltagatik”.

Etxebizitzak gure beharrak asetzen dituen, aterpea eta segurtasuna ematen digun ondasuna izan beharko luke, baina gizarte kapitalista honek dirua egiteko ondasuna bilakatu du. Inor ez kale gorrian plataformak gogoratu duen bezala, etxebizizarik ez edukitzeak bizi baldintzak okertzen dakar eta horrekin batera, gizarte bazterkeria.

Gasteizko taldeak irailaren 15ean egin zuten prentsaurrekoan, loaldian asanblada bat burutuko zela azaldu zuten. Bertan: gazte emantzipazioaz, pertsona arrazializatuen gizarte bazterkeriaz, oinarrizko horniduraz, udalaren errekurtso faltaz, auzoko gentrifikazioaz eta bizitzaren garestitzeaz hitz egingo zen. Horretarako ere, hiriko beste gizarte mugimenduak zein norbanakoak gonbidatu zituzten.