FAURECIA

Lanuzteak Faurecian, Mercedes Benzen azpikontratan

2023/12/15

Urtebeteko negoziazioaren eta 20 bilera baino gehiagoren ondoren, enpresaren azken eskaintza ez da nahikoa. Lanuzteak abenduaren 21ean eta urtarrilaren 11, 16 eta 17an izango dira.

140 pertsonaz osatutako Faureciako langileek grebara ateratzea erabaki dute, enpresaren irabaziak modu bidezkoagoan banatuko dituen hitzarmen baten alde borrokatzeko. Enpresa Batzordea ELAk (7 ordezkari) eta UGTk (2 ordezkari) osatzen dute.

Enpresak urtez urte irabaziak metatzen ditu. 2022an mozkinak % 26 hazi ziren aurreko urtearen aldean, 3.4 milioi euroko irabaziekin, eta horietatik 2,4 milioi dibidenduetan banatu zituen. Plantillaren gastua – soldatak eta kotizazioak – gastu osoaren % 8,6 baino ez da. Hori horrela izanik, zaila da defendatzea soldatak igotzea onartezina dela; datu ekonomikoek berez hitz egiten dute.

Langileen aldarrikapenak argiak dira. Lehenik eta behin, soldata igoera duinak, eroslea galtzea saihesteko. Bestalde, behin-behineko langileentzat lan-poltsa bat sortzea, antzinatasuna irizpide objektibo batean oinarrituta; neurriaren helburua da kontratu mugagabeak egiterakoan laguntasuna geldiaraztea da.