GXO Logistics (Gasteiz)

Lehen greba egunak ekoizpena gelditu du

2024/03/19

GXO Logistics-en (Gasteiz) aurkeztutako Enplegu-Erregulazioko Espedientearen (EEE) aurka ELAk deitutako grebaren lehen egunak ekoizpena geldiarazi du. Otsailaren 14an, enpresako zuzendaritzak ELAko hiru ordezkariei jakinarazi zien 14 pertsonari eragingo zien Enplegu-Erregulazioko Espedientea abian jarri zela. Grebaren lehen egunean, martxoaren 19ra arte luzatuko dena eta apirilaren 2tik aurrera greba mugagabe bihurtuko dena, biltegiko hiru langile, zuzendaritzako pertsona batzuk eta erdi-mailako agintariak baino ez dira lanean hasi. Hori guztia, kontuan hartuta 40 langile direla. Langileek egun osoa eman dute informazio-piketeak egiten, eta ia % 100ean geldiarazi dute enpresaren jarduera.

Erregulazio Espedientearen berri izan zuenean, ELAk neurri koiunturalak hartzeko eskatu zuen, GXOren bezeroetako baten galera beste bezero berri batzuekin konpentsa zitekeela ulertuta, enpresa honetan lehenago gertatu den bezala. Sindilatuak hasieratik baztertu zituen planteatzen diren kaleratze traumatikoak. Zuzendaritzarekin egindako lehen bileretan ez da zehaztu 14 pertsona kaleratzearen ordezko neurririk, legez aurreikusitako arrazoi objektiboengatiko kalte ordainekin.

Era berean, langileek soldatak eguneratzea eta atzerapenak ordaintzea eskatzen dute, 2019tik soldatetan islatu ez diren KPIaren igoeretan oinarrituta. Halaber, langile bakoitzaren antzinatasuna lanera sartu ziren lehen egunetik aitortzeko eta dagokion plusa ordaintzeko eskatu dute.