Mobilizazioak deitu dituzte Ibermatican, langileen erosahalmenaren galera dela eta

2022/06/10
Ibermaticako Batzordeak -ELA eta CCOO- elkarretaratzea deitu du ekainaren 13rako, Gasteizen, Bilbon, Donostian eta Madrilen, langileak erosahalmena galtzen ari direla salatzeko.

Sindikatuek salatu dutenez, 2021eko azarotik zazpi aldiz bildu dira zuzendaritzarekin, baina Ibermaticak jarraitzen du langileen aldarrikapenetatik oso urrun dauden proposamenak aurkezten; proposamen horiek ez datoz bat enpresak izandako mozkin-igoerarekin. Izan ere, enpresak bere urterik onena bizi izan du irabaziei dagokienez. Zehazki, 10,6 milioi eta 39,8 milioi euroko dibidenduak azken hiru ekitaldietan -1,6 milioi 2021ean; 16,6 milioi 2020an; eta 21,6 milioi 2019an-, aldi berean metatutako mozkinen ia bikoitza. Emaitza onak izan arren, enpresak soldata-proposamen urriak baino ez ditu eskaintzen, CEOEren gomendioen oso azpitik ere.

Kontzentrazioak ekainaren 13an egingo dira Gasteizen eta Madrilen 11: 00etan; eta 13:30ean Bilbon eta Donostian.