Soldata igoerak bermatuko dituen akordioa erdietsi da Legutioko CIE Recytec enpresan

2022/03/22
Bi asteko grebaren ondoren, atzo, martxoak 21, 2020-2024rako akordio bat lortu zen Legutioko CIE Recytec enpresan, grebari amaiera eman diona eta langileen aldarrikapen gehienak jasotzen dituena. Martxoaren 7an, CIE Recytec-eko batzordeak, ELAk osatua, greba mugagabea deitu zuen langileen soldatak hobetzeko, bidezko lanbide-sailkapena lortzeko, ABLEen abusua mugatzeko eta enpresaren barruan hainbat alderdi hobetzeko. Langileek sortutako aberastasuna modu justuan banatu nahi zuen sindikatuak.

Honako eduki hauek adostu dira:

Lanaldia 8 orduz murriztea 2022rako, (1704tik 1696ra) eta 8 ordu 2023rako eta 2024rako (1696tik 1688ra).

Soldata-igoera, atzeraeraginezko ondorioekin:

- 2020 EAEKO KPI +%1.
- 2021 EAEKO KPI + % 1,5.
- 2022 EAEKO KPI.
- 2023 EAEKO KPI + % 1,5.
- 2024 EAEKO KPI + % 1,5.

Igoera hori lineala izango da lehenengo 3 urteetan: 2020, 2021, 2022, eta 30.000 €-ko soldata bateko igoera lineala kalkulatuko da 2020an.

Hau da, igoera lineala 30.000 €-koa izango da 2020an, eta hurrengo igoerak aplikatutako igoeren kopuru finkatuaren gainekoak izango dira.

2023ko eta 2024ko igoerak ehunekotan egingo dira.

KPIa negatiboa bada, 0 izango da.

Aparteko orduak balio/ordu honetara igotzen dira:

2020an:

 26 euro larunbaterako.

28 euro igande eta jaiegunetan.

Eta igoera urteko euro batekoa izango da, zenbateko bakoitzetik.

Antzinatasun-plusa:

Urte bakoitzeko LGSaren zenbatekoaren %5 izango da, eta inola ere ezingo da haren balioa murriztu.

Gaueko lanaren plusa:

2020an 24 euroko balioa izango du, eta indarraldiko urte bakoitzean euro bateko igoera.

Aseguru-polizak honako hauek izango dira:


35.000 eta 40.000 bitarteko igoera, laneko istripuen ondoriozko heriotzaren kasuan.
40.000 eta 55.000 bitarteko igoera ezintasun iraunkor osoaren, absolutuaren edo lan-istripuen baliaezintasun handiaren kasuan.

Kontratazioa: ABLE bakoitzeko gehienezko langileak % 25etik % 15era jaistea.

Soldata-taulak: 1. ikastuna kentzea, kategoria bakarra hileko 1400 €-tik beherakoa izanik, 14 ordainsaritan.

Enpresako langile mugagabeek 8 puntuko oinarrizko kategoria kobratuko dute gutxienez, hau da, 30.488,67 €.

Lanorduen poltsa: 85 ordutik 64 ordura jaistea.

Urteko lanpostuaren balorazioa, igoera urtero egiten ez bada, atzeraeraginezko izaerarekin egingo da.

Gaixotasun arruntagatiko ABE osagarria: % 65etik % 70era igoko da lehen 3 egunetan, eta % 75etik % 80ra 4. egunetik aurrera. Eta kobratzeko absentismo-klausulak ezabatzea.

ELAk azpimarratu du erresistentzia kutxak ezinbesteko tresna dela halako akordio bat lortzeko, eta Arabako metalaren sektoreko hitzarmen kolektiboa berritzea eskatu du, aberastasunaren banaketan aurrera egiteko.