ELAk Gipuzkoako hotelen sektoreko osagarriaren ordainketa aitortzen duen errekurtsoa irabazi du
Auzitegi Nagusiaren epaiak argi uzten du Gipuzkoako hotelek, salbuesteko aukerari heldu ez arren, lan-erregulazioko espedienteak eragindako langile guztien soldatak osatu beharko dituztela. Amara Hotelak osagarria 2020ko martxotik gaur egunera arte ordaindu beharko du.
ELAk erregistratutako demandak Gipuzkoako Ostatuen hitzarmenaren 25.artikulua betetzea eskatzen du. Honela dio: "Lan-agintaritzak gizarte-segurantzako kotizazioa ordaintzetik salbuesten baditu enpresak, enplegu-erregulazioko espedienteak eragiten dien langileen soldataren % 100eraino osatu beharko dute".