Bizkaiko Esku-hartze Soziala
ELAk greba deitu du ekainaren 5erako
Gizardatz eta Geroan patronalek proposatuta, adiskidetze prozesua martxan da Bizkaiko Esku-hartze Sozialean. ELAren ustez, sektorearen arazoa ez da elkarrizketa falta, baizik eta mahaia gainean dauden edukiak eskasak direla. Horregatik, patronalek edukiak hobetu ezean, kontziliazio prozesuak ez du gatazka konponduko. Adiskidetze prozesua ontzat ematen bada, hobekuntzak negoziatzeko aukera gal daiteke.
ELAk uste du kontziliazio prozesua patronalaren jarrera zuritzeko balio duela, eta hobekuntzak defendatuko ditu. Esaterako, ELAk bakarrik defendatzen ditu hobekuntza sozial eta ekonomikoak, atzeraeraginezko soldata igoerak, edo Gizardatzeko plataforman ez dauden beste atal sozial batzuei buruzko eztabaida zabaltzea. Hala erakusten dute azken bilerako aktek. Bada, horiei guztiei ezetz esan diete patronalek.
Horregatik, beste greba deialdi bat egitea erabaki dute Bizkaiko Esku-hartze Sozialeko ELAko kideek, orain arte grebak lortu duelako patronala mugiaraztea, eta dei egiten die sektoreko 4.800 langileei parte hartzera. Baita beste sindikatuei ere parte har dezaten ere.