ELAk justiziako funtzionarioek arratsaldeko ordutegian egin beharreko epaiketak boluntarioen bidez bakarrik egitea lortu du
ELAk epaiketak arratsaldeko ordutegian egiteko nahitaezko txandak ezartzen zituen Ebazpenaren aurka jarri zuen errekurtsoari esker, irailetik aurrera langile boluntarioekin soilik egin ahal izango da
ELAk errekurtso bat jarri zuen ekainean Justiziako sailburuordearen ebazpenaren aurka. Ebazpen horrek nahitaezko txandak ezartzen zituen, baldin eta langile boluntario nahikorik ez bazegoen epaiketak arratsaldez egiteko:
Bada, errekurtsoari eta ELAren presioari esker, Justizia Sailak bere posizioa aldatu du eta, irailean, laguntza hori boluntario agertzen diren langileen bidez bakarrik emango da. Gainera, Sailak aitortu duenez, "arratsaldeko ordutegiko salbuespenezko jarduketen denbora-muga 2020ko irailaren 20a da”.